??സേതുബന്ധനം 3 ?? [M.N. കാർത്തികേയൻ] 403

“മതം… മനുഷ്യൻ ഇതു വരെ നിർമിച്ചതിൽ ഏറ്റവും വിനാശകാരിയായ ആയുധം. The dangerous weapon ever made. എന്താണ് മതം. പണ്ട് ചെയ്തിരുന്ന ജോലിയുടെ അടിസ്ഥാനത്തിൽ തരംതിരിച്ചിരുന്ന വേർതിരിവ് പിന്നീട് ജാതിയായി മാറിയത് പോലെ, ഓരോ സ്ഥലത്തു ജീവിച്ചിരുന്ന ആൾക്കാരുടെ സംസ്കാരം ആവാം മതമായി പരിണമിച്ചത്. ഇന്നത് ലോകത്തെ തന്നെ നിയന്ത്രിക്കുന്ന വലിയ ഒരു ഘടകമായി. മതഗ്രന്ഥങ്ങളിലെ നന്മ കാണാതെ അതിനെ തിന്മക്ക് ഉപയോഗിച്ചു ബോംബ് ഇട്ടും വെടി വെച്ചും തല്ലി കൊന്നും അതിന്റെ നിരർഥകത നമുക്ക് മനസ്സിലാക്കി തന്നു.

ഇന്ത്യ എന്ന ലോകത്തിലെ ഏറ്റവും വലിയ ജനാതിപത്യ രാജ്യം അതിന്റെ ഭരണഘടനയിൽ മതസ്വാതന്ത്ര്യം ഉറപ്പ് നൽകുന്നുണ്ട്. പക്ഷെ അത് നമുക്ക് കിട്ടുന്നുണ്ടോ. നമ്മൾ ഏതു മതത്തിൽ ആണോ ജനിക്കുന്നത് ആ മതത്തിൽ അല്ലെ വളരുന്നത്. അതൊരു തരം അടിച്ചേല്പിക്കൽ അല്ലെ. ശെരിക്കും ഒരു നേഴ്‌സ് വിചാരിച്ചാൽ മാറിപ്പോകാവുന്ന മതസ്വാതന്ത്ര്യം ആണ് നമുക്കുള്ളത് അല്ലെ. അതിന്റെ പേരിൽ തമ്മിൽതല്ലുമായി നടക്കുമ്പോൾ നമുക്കൊരു ഗുണവും ഉണ്ടാകുന്നില്ല. അത് വെച്ചു മുതലെടുക്കുന്ന ഒരുപാട് പേർക്ക് അതൊരു അനുഗ്രഹം ആകുന്നു എന്നല്ലാതെ സാധാരണക്കാരന് മതം കൊണ്ട് എന്താണ് ഗുണം.

ചിന്താശേഷി ഇല്ലാത്ത പ്രായത്തിൽ കുട്ടികളിൽ മതം കുത്തി നിറക്കപ്പെടുന്നത് കൊണ്ടാണ് ഇത്രയും പ്രശ്നങ്ങൾ അത് കാരണം ഉണ്ടാകുന്നത്. ഗുരു എന്ന സിനിമ കണ്ടിട്ടില്ലേ. അതിൽ കുട്ടികൾക്ക് നല്ലത് വരാൻ വേണ്ടി കൊടുക്കുന്ന ഇലാമാ പഴം ആണ് അവരെ അന്ധരാക്കുന്നത്. ശെരിക്കും ഇലാമാപ്പഴം പോലെയാണ് മതം. കുഞ്ഞിലെ നല്ലതിന് എന്നു പറഞ്ഞു കൊടുക്കുന്ന അത് അവരെ അന്ധരാക്കും. ശെരിക്കും പതിനെട്ടു വയസ്സ് ആകുന്നത് വരെ കുട്ടികളെ ഒരു മതത്തിലും ചേർക്കാതെ പ്രായപൂർത്തി ആയ ശേഷം ഇഷ്ടമുള്ള മതം എന്ന ഒരു നിയമം വന്നാൽ തീരാവുന്ന പ്രശ്നമേ ഉള്ളു. അപ്പൊ ഒരു കുടുംബത്തിൽ തന്നെ വിവിധ മതക്കാർ ഉണ്ടാകും. ആരെ വേണമെങ്കിലും വിവാഹം കഴിക്കാം.അപ്പൊ ചിന്തിക്കാനുള്ള പ്രായം ആകുമല്ലോ. അവർക്ക് നല്ലതും ചീത്തയും തിരിച്ചറിയാം. അപ്പൊ അവർക്ക് ഇഷ്ടമുള്ള മതം സ്വീകരിക്കാം. അങ്ങനെ ഒരു നിയമം നമ്മുടെ ലോകത്തിന്റെ ശെരിക്കുള്ള നന്മക്ക് അത്യന്താപേക്ഷിതം ആണ്.