??സേതുബന്ധനം 3 ?? [M.N. കാർത്തികേയൻ] 403

“സേതു നീ പേടിക്കണ്ട. കേസ് അന്വേഷണ ചുമതല ഉള്ള അലക്‌സ് എനിക്ക് അറിയാവുന്ന ആളാണ്. നിന്നെ ഇതുമായി ബന്ധിപ്പിക്കരുതെന്ന് ഞാൻ അവനോട് പറഞ്ഞു കൊള്ളാം.”

“അച്ചോ പക്‌ഷേ.. സത്യം…”

“വേണ്ട… ഈ സത്യം നമ്മൾ മാത്രം അറിഞ്ഞാൽ മതി. നിന്റെ മറ്റേ പെണ്ണ് പോലും അറിയരുത് ഒന്നും. നീ ഒന്നും കണ്ടിട്ടുമില്ല,കേട്ടിട്ടുമില്ല”

അച്ഛൻ അവനെ സമാധാനിപ്പിച്ചു.

(ആയിഷയുടെ വീട്……)

ഞാൻ രാവിലെ എഴുന്നേറ്റ് പത്രം വായിക്കുമ്പോൾ ആണ് ആ വാർത്ത കാണുന്നത്. കുര്യാക്കോസ്,മാത്യു ഒക്കെ മരിച്ചു എന്ന്. കൂടെ ഒരു ഡോണും ഉണ്ടായിരുന്നു എന്ന്. കുറച്ചു നേരം ഞാനവിടെ തന്നെ ഇരുന്നു പോയി.

ആ കാട് വഴി ആശ്രയത്തിലേക്ക് പോകാം. ഒരുപക്ഷേ സേതുവിനോട് പകരം വീട്ടാനാവും അവർ പോയത്. ആ ഡോണിന്റെ സാന്നിധ്യം അങ്ങനെ ഒരു സാധ്യത വരാൻ പ്രേരിപ്പിക്കുന്നുണ്ട്. പക്ഷെ അവർ എങ്ങനെ കൊല്ലപ്പെട്ടു. അത് മാത്രം പിടി കിട്ടുന്നില്ല. അവൻ യോദ്ധാവ് ആണെന്നല്ലേ അന്നച്ഛൻ പറഞ്ഞത്. ഇനി അവനാവുമോ കൊല നടത്തിയത്. ഏയ്… അവനങ്ങനെ ചെയ്യില്ല. ഇത്രയും വലിയ അധോലോകക്കാരനെ ഒക്കെ ഈ കൊച്ചു പയ്യൻ എന്തു ചെയ്യാനാണ്.

അതോ ഇനി പത്രത്തിലേത് പോലെ വന്യ ജീവി ആക്രമണം തന്നെ ആവുമോ.? എനിക്കെന്തോ അതങ്ങോട്ട് വിശ്വസിക്കാൻ പറ്റുന്നില്ല. ഏതായാലും അവിടെ പോയി അടി കൊണ്ട പിള്ളേരെ പറ്റി അന്വേഷിക്കണം. ഞാനവരുടെ അധ്യാപിക അല്ലെ. അതോടൊപ്പം മന്ത്രിയോട് ഈ സംഭവങ്ങളെ പറ്റി ചോദിക്കുകയുമാവാം. ഞാനത് ആലോചിച്ചുറപ്പിച്ച ശേഷം ഡ്രസ് ഒക്കെ മാറാനായി പോയി. ഇന്നിതിന്റെ പിന്നിലെ രഹസ്യങ്ങൾ എല്ലാം ചുരുളഴിക്കണമെന്നു ഞാൻ മനസ്സിൽ ഉറപ്പിച്ചു.