??സേതുബന്ധനം 3 ?? [M.N. കാർത്തികേയൻ] 403

(ആശ്രയത്തിൽ രാവിലെ………….)

ഉറക്കാമെഴുന്നേറ്റു പ്രഭാതകൃത്യങ്ങൾ കഴിഞ്ഞു പതിവ് പോലെ ചായയും കുടിച്ചു പത്രം വായിക്കുകയായിരുന്നു സേതു. അവൻ വാർത്തകൾ ഓടിച്ചു വായിച്ചു കൊണ്ടിരുന്നു. അതിനിടയിൽ അവന്റെ കണ്ണുകൾ ഒരു വാർത്തയിൽ പതിഞ്ഞു.

അധോലോക നായകൻ അസ്ലൻ ഭായിയുടെ മരണ വാർത്ത. അവനത് ഓടിച്ചു വായിച്ചു. വാർത്ത വായിച്ചു കഴിഞ്ഞപ്പോൾ ഉണ്ടായ ഞെട്ടലിൽ അവൻ കുറച്ചു നേരം അവിടെ തന്നെ ഇരുന്നു.

“എന്റമ്മേ….. അപ്പൊ അന്ന് കണ്ടതൊക്കെ സത്യമാണോ. ഞാൻ…… ഞാനാണോ അവരെ കൊന്നത്. പക്ഷെ കാള ആയി മാറാനൊക്കെ എന്നെക്കൊണ്ട് എങ്ങനെ പറ്റും. ഞാനൊരു സാധാരണ മനുഷ്യനല്ലേ. ഞാനെങ്ങനെയാ ഇതൊക്കെ ചെയ്യുന്നേ. ആരോടാ ഇപ്പൊ ഇതിന്റെ സത്യാവസ്ഥ ചോദിക്കുന്നത്. അച്ഛൻ… അച്ഛനോട് ചോദിക്കാം. അദ്ദേഹത്തിന് മാത്രമേ എന്നെ സഹായിക്കാൻ പറ്റൂ..” അവൻ മനസ്സിൽ വിചാരിച്ചു.

“അച്ചോ…………”
ഉറക്കെ വിളിച്ചു കൊണ്ടവൻ അദ്ദേഹത്തിന്റെ മുറിയിലേക് ഓടി .

“എന്താടാ…… എന്താ മനുഷ്യനെ പേടിപ്പിക്കാൻ ഇങ്ങനെ കിടന്നു കീറുന്നത് എന്തിനാ”

“അച്ചോ… ഈ വാർത്ത നോക്ക്”
അവൻ പത്രത്തിലെ വാർത്ത അദ്ദേഹത്തെ കാണിച്ചു.
അച്ഛൻ അത് ഓടിച്ചു വായിച്ചു നോക്കി. അവന്റെ ഞെട്ടലും വെപ്രാളവും അദ്ദേഹം നോട്ട് ചെയ്തിരുന്നു.

“ടാ…. ഇത് ഈ കുര്യാക്കോസ്,മാത്യു ഒക്കെ നീയുമായി പ്രശ്നം ഉണ്ടാക്കിയ ടീമല്ലേ. കർത്താവേ കേസ് കറങ്ങി ഇവിടെ എങ്ങാനും വരുമോ.””

“അച്ഛാ… അവരെ…… അവരെ കൊന്നത് ഞാനാണ്”

അച്ഛൻ അത് കേട്ട് പിറകിലെ ഭിത്തിയിലേക് മുതികിടിച്ചു നിന്നു.

“എന്റെ മോനെ നീ ഇത് എന്തൊക്കയാ ഈ പറയുന്നത്. എന്റെ കുട്ടി അങ്ങനെ ചെയ്യില്ല. എനിക്ക് ഉറപ്പാ”

“അല്ല അച്ഛാ.. ഞാൻ ആദ്യം സ്വപ്നം കണ്ടതാ എന്നാ കരുതിയത്. പക്ഷെ ഇന്നലെ എഴുന്നേറ്റപ്പോൾ എന്റെ കാലിൽ രക്തവും പുരണ്ടിരുന്നു. ”

“ടാ നീ അങ്ങനെ ചെയ്തു കാണില്ല. ഏതോ വന്യമൃഗത്തിന്റെ ആക്രമണമാണ് എന്നല്ലേ പത്രത്തിൽ ഉള്ളത്.”

“അതെ…. ആ വന്യ മൃഗം ഞാനാണ്. ഞാൻ കാള ആയി മാറിയാണ് കൊന്നത് അവരെ”

അത് വരെ അച്ഛന്റെ മുഖത്തുണ്ടായിരുന്ന ഭയം മാറി. സൗമ്യതയിലേക്ക് മുഖം മാറി.