??സേതുബന്ധനം 3 ?? [M.N. കാർത്തികേയൻ] 403

ദിവാകരൻ മിണ്ടാതെ നിന്നു. സ്വാമി അയാളെ നോക്കി ചോദിച്ചു.

“അത്രയും വല്യ സേനയെ ഒരാൾ ഒറ്റക്ക് തോൽപ്പിച്ചു എന്നു പറഞ്ഞാൽ വിശ്വസിക്കുമോ”

ദിവാകരൻ പൊട്ടി ചിരിച്ചു . ‘”ഹഹഹ്ഹ….. എന്താണ് സ്വാമി തമാശ പറയുകയാണോ. ഇതൊക്കെ സിനിമയിൽ വല്ലോം ആണെങ്കിൽ നടക്കും. അത്രേം പേരെ കൊല്ലണമെങ്കിൽ ദൈവം നേരിട്ട് വരണം”

“എങ്കിൽ വിശ്വസിച്ചേ പറ്റൂ. അത് സത്യമാണ്. ഞാൻ കള്ളം പറയാറില്ല. അത് താങ്കൾക്ക് മനസ്സിലായതുമാണല്ലോ. ”

“അപ്പൊ സ്വാമി പറയുന്നത് സത്യം ആണെന്നാണോ. ഇത് വിശ്വസിക്കാൻ ബുദ്ധിമുട്ട് ആണ്.”

“താങ്കൾ വിശ്വസിച്ചാലും ഇല്ലെങ്കിലും അത് സത്യമാണ്. യോദ്ധാക്കളാണ് അവർ. മരണത്തിന്റെ വാഹകർ. ആ അവനെ അങ്ങു പൂളിക്കളയാം എന്നു കരുതി ആണ് നിങ്ങൾ പോയത്. അതിന്റെ ഭവിഷ്യത്ത് ആണ് ആ കണ്ടത്. അത് മുൻകൂട്ടി കാണാൻ ജ്ഞാനദൃഷ്ടി ഒന്നും വേണ്ട. അവരെ കുറിച്ചു ശെരിക്കും മനസ്സിലാക്കിയാൽ മാത്രം മതി.”

ഒരു നിമിഷം സ്വാമി പറഞ്ഞത് കേട്ട് ദിവകാരനും ഗംഗാധരൻ ഡോക്ടറും തരിച്ചു നിന്നു.

“പക്ഷെ എങ്ങനെ ഇത്രയും പേരെ ഒന്നിച്ചു കൊലപ്പെടുത്താൻ അവന് ഒറ്റക്ക് പറ്റുമോ. എന്തോ എനിക്ക് വിശ്വസിക്കാൻ ബുദ്ധിമുട്ട് ഉണ്ട്.”

“താൻ വഴിയേ വിശ്വസിച്ചോളും. അധികം താമസം വേണ്ടി വരില്ല. പക്ഷെ നമുക്ക് സമയമില്ല. എനിക്ക് അവനെ രണ്ടു ദിവസത്തിനുള്ളിൽ നേരിട്ട് കാണണം.”

അമ്പരന്നു മുഖത്തോടു മുഖം നോക്കി നിൽക്കുന്ന ദിവകാരനെയും ഡോക്ടറേയും ഒന്നു നോക്കിയ ശേഷം സ്വാമി ചിന്താകുലനായി അകത്തേക്ക് നടന്നു.