??സേതുബന്ധനം 3 ?? [M.N. കാർത്തികേയൻ] 403

(പിറ്റേന്ന് രാവിലെ ഗംഗാധരൻ ഡോക്ടറുടെ വീട്ടിൽ…….)

“ഡോക്ടറെ…… ഡോക്ടറെ…….”

അതിരാവിലെ ദിവാകരൻ പത്രവും കയ്യിൽ പിടിച്ചു വിളിച്ചു കൂവി.

“ഹാ…. എന്താ സാറെന്തിനാ ഇപ്പൊ വിളിച്ചു കൂവുന്നെ….” ഓടി വെളിയിലേക്ക് വന്ന ഗംഗാധരൻ ചോദിച്ചു.

“സ്വാമി….. സ്വാമി ഇല്ലേ അകത്തു”

അയാൾ പേടിച്ച സ്വരത്തിൽ വിറച്ചു വിറച്ചു ചോദിച്ചു.

സംഗതി പന്തി അല്ലെന്ന് തോന്നിയത് കൊണ്ടാവണം ഗംഗാധരൻ പറഞ്ഞു.

“സ്വാമി യോഗ ചെയ്യുകയാ. ഇപ്പൊ വരും എന്താ എന്താ കാര്യം. സർ നല്ലോണം വിയർക്കുന്നുണ്ടല്ലോ?”

മറുപടി പറയാൻ അയാൾക്ക് കഴിഞ്ഞില്ല. വിറച്ച കൈകളോടെ അയാൾ പത്രം ഡോക്ടറിന് നേർക്ക് നീട്ടി. ഡോക്ടർ ഫ്രണ്ട് പേജിലെ ഹെഡ്ഡിംങ് വായിച്ചു.

“കുപ്രസിദ്ധഅധോലോകനായകൻഅസ്ലൻഭായി മരിച്ച നിലയിൽ”

കുപ്രസിദ്ധ അധോലോക നേതാവും പിടികിട്ടാ പുള്ളിയുമായ അസ്ലൻ ഭായ് മരിച്ച നിലയിൽ കാട്ടിൽ കണ്ടെത്തി. ഇയാൾക്കൊപ്പം പ്രമുഖ വ്യവസായി ആയ കുര്യാക്കോസും മകൻ മാത്യുവും മരണപ്പെട്ട നിലയിൽ കാടിനുള്ളിൽ കാണപ്പെട്ടു.

പുലർച്ചെ കാടിനുള്ളിലെ ക്ഷേത്രത്തിൽ പൂജക്ക് വന്ന ആൾക്കാർ ആണ് മൃതദേഹം ആദ്യമായി കണ്ടത്. സംഭവത്തിൽ അസ്വാഭാവികത ഇല്ലെന്നും വന്യമൃഗത്തിന്റെ ആക്രമണത്തിൽ കൊല്ലപ്പെട്ടത് ആവാമെന്നും ആണ് പോലീസ് നിഗമനം. എന്തായാലും ഒരു കൊടുംകുറ്റവാളി കൊല്ലപ്പെട്ടു എന്നത് പോലീസിനും പൊതുജനങ്ങൾക്കും ആശ്വാസം ഏകുന്നു.

മരണത്തിൽ അസ്വാഭാവികത ഇല്ലെന്നു പോലീസ് പറയുമ്പോഴും ഇവർക്ക് കാട്ടിൽ എന്തായിരുന്നു ജോലി എന്നത് ഇപ്പോഴും ഉത്തരം കിട്ടാത്ത ചോദ്യം ആയി നിലനിൽക്കുന്നു.
…………………..
………….

ഇത്രയും ഒന്നു ഓടിച്ചു വായിച്ച ശേഷം ദിവാകരന്റെ മുഖത്തേക്ക് അയാൾ നോക്കി. അയാളുടെ മുഖത്തു വിയർപ്പ് കണങ്ങൾ പൊടിഞ്ഞു ഇരുന്നു.

“ഇയാളെ പറ്റി ആണോ താൻ പറഞ്ഞത്.. ആ പയ്യനെ കൊല്ലാൻ പോയത് ഇവരാണോ”

“അതേ….. ഇവർ തന്നെ. സ്വാമി സ്വാമി വരാറായോ” ദിവാകരൻ ചോദിച്ചു.