??സേതുബന്ധനം 3 ?? [M.N. കാർത്തികേയൻ] 403

“കുറച്ചു കഴിയട്ടെ. നീ ഒരു ജോലി ഒക്കെ സംഘടിപ്പിച്ചു വാ. അത് വരെ ഞാൻ വെയിറ്റ് ചെയ്യാം. അതോ പെണ്ണുമ്പിള്ളയുടെ കാശിൽ അർമാധിച്ചു നടക്കാൻ ആണോ ഉദ്ദേശം”

“അങ്ങനെ ഒന്നുമില്ല. ചുമ്മാ ജീവിതം ഒക്കെ ആസ്വദിച്ചു അങ്ങു പോണം.”

ഞാനവന്റെ കൈകളിൽ മുറുകെ പിടിച്ചു കടലിലേക്ക് ഊളിയിടുന്ന സൂര്യനെ നോക്കി….

“ആർക്കും വിട്ട് കൊടുക്കാതെ എന്നും ഈ കൈകളിൽ എനിക്ക് ചുറ്റി പിടിക്കണം”

ഞാൻ അവന്റെ കണ്ണുകളിലേക്ക് നോക്കി പറഞ്ഞു. ഒരു ചിരിയായിരുന്നു അവന്റെ മറുപടി. അവന്റെ തോളിൽ കിടന്നു ഞാൻ കടലിലേക്ക് നോക്കി ഇരുന്നു.

പെട്ടെന്നു പിറകിൽ നിന്നു ആരോ അവന്റെ തോളിൽ തട്ടി വിളിച്ചു.

“ഹലോ…….”

അവൻ തിരിഞ്ഞ് നോക്കി. രണ്ടു പേർ ഞങ്ങളെ തന്നെ നോക്കി നിൽക്കുന്നതാണ് കണ്ടത്.

“ആരാ….”

“രണ്ടു യുവമിഥുനങ്ങൾ ഇവിടെ ഇരുന്നു പ്രേമിക്കുന്നത് കണ്ടു വന്നതാണ്. നമ്മുടെ നാടിന്റെ സംസ്കാരത്തിന് ചേർന്നതല്ല ഇതൊക്കെ.”

“എന്തിനാ ചേട്ടാ നാട്ടുകാരെ സംസ്കാരം പഠിപ്പിക്കാൻ നടക്കുന്നത്. സ്വന്തം കാര്യം നോക്കി പോയാൽ പോരെ. ആരാന്റെ പിള്ളേരുടെ വാപ്പ ആവാൻ നടക്കുന്നത് എന്തിനാ.”

“ഇങ്ങനെ വന്നിരുന്നു ശൃംഖരിക്കുന്നതും പോര. ഞങ്ങളെ പഠിപ്പിക്കാൻ വരുന്നോ. കഴു$%#$# മോനെ.”

ഇതും പറഞ്ഞു കൂട്ടത്തിൽ ഒരുത്തൻ സേതുവിന്റെ കോളറിൽ പിടുത്തമിട്ടു. ഒന്നു ചിരിച്ചു കൊണ്ട് അയാളുടെ മുഖത്തേക്ക് നോക്കി സേതു പറഞ്ഞു

“എന്താ ചെയ്ക. വേണ്ട വേണ്ട എന്നു വിചാരിച്ചു ഇരുന്നാൽ നിങ്ങൾ സമ്മതിക്കില്ലല്ലോ? നിങ്ങളായിട്ടു ചെയ്യിക്കുകയല്ലേ”

ഇതും പറഞ്ഞു സേതു അയാളുടെ കൈ തട്ടി തെറിപ്പിച്ചു കോളറിൽ തൂക്കി കടലിലേക്ക് ഇട്ടു.