??സേതുബന്ധനം 3 ?? [M.N. കാർത്തികേയൻ] 403

(വെളുപ്പാൻ കാലം. ആശ്രയത്തിലെ സേതുവിന്റെ മുറിയിൽ……………)

അവൻ ഞെട്ടി കണ്ണു തുറന്നു. സമയം പുലർച്ചെ മൂന്നു മണിയായെന്നു ചുവരിലെ ക്ലോക്ക് സാക്ഷ്യപ്പെടുത്തി. ഹോ അതെല്ലാം സ്വപ്നം ആയിരുന്നോ. ആവും……

അല്ലാണ്ട് ഇത്ര പേരെ ഒക്കെ മഴു കൊണ്ട് വെട്ടി കൊല്ലാനും കാള ആയി മാറാനും ഒക്കെ എനിക്ക് എങ്ങനെ സാധിക്കും………

എന്ത് ഭീകരമായ സ്വപ്നം. ഞാനെത്ര ദുഷ്ടൻ ഒന്നുമല്ലല്ലോ. അത്രക്കൊന്നും ചെയ്യാനുള്ള മനക്കട്ടിയും എനിക്കില്ല. ഹോ ഇജ്ജാതി ഹൊറർ സ്വപ്നം. ഭാഗ്യത്തിന് പേടിച്ചു കിടക്കയിൽ മുള്ളിയില്ല.

ഞാൻ ദൈവമോ മായാവിയോ ഡിങ്കനോ ഒന്നുമല്ലല്ലോ. സാധാ മനുഷ്യൻ അല്ലെ. അനാഥ പയ്യൻ……..

അവൻ സ്വപ്നത്തിൽ കണ്ട ആൾക്കാരുടെ രൂപം ആലോചിച്ചു. പത്തു മുപ്പത് തടിമാടന്മാർ. അവരെ ഒക്കെ അടിച്ചിടണമെങ്കിൽ രജനികാന്ത് വല്ലോം വരണം………

ഈ ഞാൻ വിചാരിച്ചാൽ എന്തു നടക്കാനാണ്. ചിരിച്ചു കൊണ്ട് അവൻ ഉറക്കത്തിലേക്ക് വഴുതി വീണു….

(രാവിലെ ആശ്രയത്തിൽ സേതുവിന്റെ മുറി …………)

സൂര്യ രശ്മികൾ ജനലിലൂടെ ഒഴുകി വീണു. അവൻ കണ്ണുകൾ തുറന്നു……..

ദേഹമാസകലം ഒരു വേദനയും കഴപ്പും. കൈ കാലുകൾ ഒക്കെ നല്ല കഴപ്പ് ഉണ്ട്. എന്താണാവോ പറ്റിയത്……

എന്തോ ആവട്ടെ എന്നു ചിന്തിച്ചു കൊണ്ട് അവൻ കുളിമുറിയിലേക്ക് കയറി. കാലിലെ രോമങ്ങൾക്കിടയിൽ എന്താണ് ഒരു ഒട്ടി പിടിക്കൽ. അവൻ കാലിലേക് നോക്കി. രക്തത്തിന്റെ കറ….

ദൈവമേ എനിക്ക് ആർത്തവം വന്നോ… ഇത്രേം നാൾ ഞാൻ ആണായിരുന്നല്ലോ? ഇപ്പോഴും ആണല്ലോ. ഇത് എന്തേലും കടിച്ചത് ആകും. ആ എന്തെങ്കിലും ആകട്ടെ.
അവൻ മൂളിപ്പാട്ട് ഒക്കെ പാടി സോപ്പ് തേച്ചു നല്ല വണ്ണം കുളിച്ചു.

കുളിച്ചു ഇറങ്ങിയപ്പോ പതിവ് ചായയും പത്രവും മേശപ്പുറത്തു ഉണ്ടായിരുന്നു. അവൻ ചായയും കുടിച്ചു പത്രവും ഒന്നു ഓടിച്ചു നോക്കി.