ദുർഗ്ഗ [മാലാഖയുടെ കാമുകൻ] 2183

മുടി കെട്ടി വച്ചിട്ടുണ്ട്.. മഞ്ഞ നൈറ്റി. ഞാൻ അടുത്ത് ചെന്ന് അവളുടെ ചന്തിക്ക് കൈ വീശി ഒരു അടി അടിച്ചു.“ഠോ!! “

എന്ന് ഞാൻ വിചാരിച്ചതിലും ശബ്ദം അവിടെ മുഴങ്ങി..

അവൾ ഞെട്ടി തിരിഞ്ഞപ്പോൾ ഒരു പത്രം നിലത്തും വീണു..

“അമ്മേ…………”

അവൾ കണ്ണ് മിഴിച്ചു ചന്തി തിരുമ്മിയപ്പോൾ എനിക്ക് ചിരി വന്നു.

“എന്താടാ അവിടെ??”

അമ്മ വിളിച്ചു ചോദിച്ചു..

“പൂച്ച.. കണ്ടൻപൂച്ചയാ അമ്മെ….

അവൾ വിളിച്ചു പറഞ്ഞു..

“എന്റെ മകൻ എപ്പോഴാ മോളെ കണ്ടൻപൂച്ച ആയത്?”

തിരിച്ചു ചോദ്യം… അവൾ ചിരിച്ചുകൊണ്ട് എന്നെ നോക്കി..

“എന്നെ നാണം കെടുത്തുമോടീ നീ?”

ഞാൻ അവളെ വലിച്ചു എന്റെ നേരെ നിർത്തി ഒരെണ്ണം കൂടി കൊടുത്തു.. ചന്തിക്ക് തന്നെ

“മ്മ്മ് ആഹ്…”

അവൾ കാലിൽ കുത്തി പൊങ്ങി എന്നെ തള്ളി മാറ്റി…

“ദുഷ്ടൻ… ഹോ എന്റെ ചന്തി…..”

“അതിനെന്താ ഇത്ര വലിപ്പം?.”

“ചെ.. വഷളൻ…”

അവൾ എന്നെ നോക്കി ചിരിച്ചു പിന്നെയും പണികളിലേക്ക് തിരിഞ്ഞു..

ഞാൻ കുളിച്ചു വന്നു അവളുടെ ഒപ്പം കൂടി.. ചിക്കൻ വറുത്തു കൊടുത്ത് അവളെ സഹായിച്ചു.. അവൾ വല്ലാത്ത ഒരു നോട്ടം നോക്കി..

അല്ലെങ്കിലും ഈ പെൺപിള്ളേരെ എങ്ങനെ കയ്യിൽ എടുക്കണം എന്ന് എനിക്ക് അറിയാം..

എല്ലാവരും ഒരുമിച്ചു കഴിച്ചു.. അൽപ നേരം ടിവി ഒക്കെ കണ്ടു ഞങ്ങൾ മുകളിലേക്ക് വലിഞ്ഞു.

ബാൽക്കണിയിൽ പോയി നിന്നപ്പോൾ അവളും ഒപ്പം വന്നു നിന്നു..

അമ്പിളി തെളിഞ്ഞു കത്തുന്നു.. കൊച്ചു മേഘത്തുണ്ടുകൾ തിരക്കിൽ പാഞ്ഞു പോകുന്ന കാഴ്ച.. എങ്ങോട്ടാണാവോ ഇത്ര തിരക്കിൽ..

വീടിനോടു ചേർന്ന് നിൽക്കുന്ന പുളി മരം ചെറിയ കാറ്റിൽ ഇലകൾ കുലുക്കി ചിരിച്ചത് പോലെ… തൊട്ടപ്പുറത്ത് ചെമ്പകവും മഹാഗണിയും ഉണ്ട്..

പ്രേമിക്കുന്ന പെണ്ണിന്റെ ഒപ്പം ഇങ്ങനെ നില്ക്കാൻ എന്തൊരു സുഖമാണ്?

“വാവേ? “