ദുർഗ്ഗ [മാലാഖയുടെ കാമുകൻ] 2170

അവൾ പുഞ്ചിരിച്ചു കൊണ്ട് നിൽക്കുന്നു.. പിന്നെ പറഞ്ഞിട്ട് കാര്യം ഉണ്ടോ എന്നെനിക്ക് അറിയില്ല.. വെളുത്തു മെലിഞ്ഞ ഒരു ചെക്കൻ ആണ്…സുന്ദരൻ. അവനു വേണ്ടി ആണ് ഇവൾ എന്റെ ഹൃദയം തകർത്തത്… പട്ടി..!എനിക്ക് വല്ലാതെ സങ്കടം വന്നു.. ഞാൻ ലാപ് എടുത്തു അകത്തു കയറി..

“മറ്റവളെ കാണാൻ പോയതായിരിക്കും… ചതിയൻ..”

ദുർഗ്ഗ എണീറ്റിരുന്നു പറഞ്ഞ കാര്യം ആണ് ഇത്.. ഞാൻ ഒന്നും മിണ്ടിയില്ല..

“എന്താ നാവ് ഇറങ്ങിപോയോ? രാത്രി മൂന്ന് മണിക്ക് ഫോണും കൊണ്ട് നടക്കുന്നത് എന്തിനാണെന്ന് എനിക്കറിയാം…”

അവൾ വീണ്ടും ചൊറിഞ്ഞു..

“അതേടീ നായിന്റെ മോളെ…! മറ്റവളെ കണ്ടു.. ഇന്ന കൊണ്ടുപോയി തിന്നടീ…! എന്നിട്ടു തീരുമാനിക്ക് ആരാ ചതി ചെയ്തത് എന്ന്…!”

ഞാൻ അലറിക്കൊണ്ട് ഫോൺ അവൾക്ക് നേരെ എറിഞ്ഞു കൊടുത്തു കൈ ചുരുട്ടി അലമാരക്ക് ആഞ്ഞു ഒരു ഇടി ഇടിച്ചു..

ഇത്ര നാളത്തേയും ഫ്രാസ്ട്രഷൻ ഒതുക്കി വച്ചതൊക്കെ പുറത്തു വന്നു..
ചില്ലില്ലാത്ത ഭാഗത്തു ആണ് ഇടി കുടുങ്ങിയത്.. മഹാഗണി കൊണ്ട് ഉണ്ടാക്കിയ അലമാരയുടെ ഫ്രണ്ട് ഡോർ ഇടതു വശം വല്ലാത്ത ഒരു ശബ്ദത്തോടെ പൊട്ടി കീറി..

അതേപോലെ എന്റെ കയ്യും നന്നായി വേദനിച്ചു..

എന്റെ പെട്ടെന്നുള്ള ഭാവമാറ്റം കണ്ടപ്പോൾ ദുർഗ്ഗ ശരിക്കും വിറച്ചു.. അവൾ ബെഡിൽ നിന്നും ഒരടി നീങ്ങി പുറകോട്ടു പോയി..

കണ്ണും മിഴിച്ചു എന്നെ പേടിയോടെ നോക്കി…

“ഇനി എന്നെ ചതിയൻ എന്നെങ്ങാനും വിളിച്ചാൽ കൊല്ലും പട്ടി നിന്നെ ഞാൻ…എടുത്തു നോക്കെടീ കോപ്പേ നിന്റെ ചേച്ചിയുടെ നാടകം….”

അതും പറഞ്ഞു അവിടെ കിടന്ന ഒരു കസേര ചവുട്ടി തെറിപ്പിച്ചു ഞാൻ വീണ്ടും ബാൽക്കണിയിൽ പോയി നിന്നു..

കൈ വിട്ടു പോയല്ലോ എന്ന് ഞാൻ ഓർത്തു.. വേണ്ടായിരുന്നു.. കയ്യും നല്ല വേദന.. അലമാരയും പൊട്ടി.

പുറകിൽ കതക് തുറക്കുന്ന ശബ്ദം കെട്ടു.. അവൾ ആയിരിക്കും.. ഇപ്പൊ തുടങ്ങും ചൊറിച്ചിൽ..

“ഏട്ടാ?”

മാന്യമായ വിളി..

“ഏട്ടൻ ചത്തു.. എന്താ വേണ്ടേ നിനക്ക്? ഒന്ന് പോയി തരുമോ? അല്ലേൽ കുറച്ചു വിഷം കലക്കി താ…!”

അനക്കം ഒന്നും ഇല്ല..
കതക് അടയുന്ന ശബ്ദം കെട്ടു.. ഞാൻ പിന്നെ റൂമിൽ പോയില്ല.. അവിടെ ചൂരൽ കസേരയിൽ ഇരുന്നു അവസാനം എങ്ങിനെയോ ഒന്ന് മയങ്ങി..