ദുർഗ്ഗ [മാലാഖയുടെ കാമുകൻ] 2183

“പ്രേമം ആണ് ദേവാ നിന്നോട് എനിക്ക്…. അടങ്ങാത്ത, ജ്വലിക്കുന്ന, ഒരിക്കലും അവസാനിക്കാത്ത… തീ പോലെ കത്തുന്ന പ്രണയം… “അവൾ അതും പറഞ്ഞു മുൻപോട്ട് വന്നു എന്റെ ചുണ്ടുകളെ അവൾ അവലുടെ അധരങ്ങളിൽ കൊരുത്തു വലിച്ചു.. അവളുടെ ആദ്യ അധരപാനം..
അവൾ എന്റെ ചുണ്ടിനെ വായിൽ ആക്കി നുണഞ്ഞപ്പോൾ അവളുടെ വായിലെ പ്രേമം ചാലിച്ച ഇളം ചൂടുള്ള തേൻ എന്റെ വായിൽ എത്തി..എന്റെ നാവ് അവളുടെ നാവും ആയി കൂട്ടിമുട്ടിയപ്പോൾ എന്റെ ശരീരം വിറച്ചു.. ഒരു തീ എന്റെ ശരീരം മൊത്തം പടർന്നു പിടിച്ചു..

ഞാൻ അവളുടെ മുഖം കോരി എടുത്തു റോഡ് ആണെന്ന് പോലും ചിന്തിക്കാതെ അവളുടെ തുടുത്ത് ചുവന്ന അധരങ്ങൾ എന്നിലേക്ക് വലിച്ചു..
അവളുടെ ആത്മാവിനെ വലിച്ചു എടുക്കുന്നത് പോലെ…

ഒരു വണ്ടിയുടെ ശബ്ദം കേട്ടപ്പോൾ ഞങ്ങൾ അകന്നു മാറി കിതച്ചു..
അവളുടെ മുഖം ചുവന്നു തുടുത്തിരുന്നു.. അധരങ്ങൾ അകന്നു വിറച്ചു… എന്റെ കൈകളും ശരീരവും ഒക്കെ വിറച്ചിരുന്നു…

എനിക്ക് അവളെ നോക്കാൻ നാണം തോന്നി.. അവളും മുഖം കുനിച്ചു ഇരുന്നു… ഇടക്ക് എന്നെ കള്ളക്കണ്ണിൽ നോക്കി… എനിക്ക് ചിരി വന്നു..

അവളും അത് കണ്ടു.. പുഞ്ചിരി വിടരുകയും അതൊരു ചിരി ആയി മാറുകയും ഞങ്ങൾ ഒരുമിച്ചു പൊട്ടിചിരിക്കുകയും ചെയ്തു..

അതിനിടയിൽ കൈ കോർത്തു പിടിച്ചിരുന്നു…

പോകുന്ന വഴിയിൽ ഇടക്ക് നിർത്തിയും ഭക്ഷണം കഴിച്ചും ഫോട്ടോ എടുത്തും ഒക്കെ നാട്ടിൽ എത്തിയപ്പോൾ സന്ധ്യ ആയി..

ആദ്യം അവളുടെ വീട്ടിലേക്ക് ആണ് പോയത്.. അവളുടെ ബാഗ് എടുക്കാൻ അവൾ പോയപ്പോൾ അച്ഛനെ കണ്ടു ഞാൻ സംസാരിച്ചു..

“ഇനീപ്പോ ഞാൻ വരണ്ടല്ലോ അല്ലെ? “

അങ്ങേരു ഒരു ചിരിയോടെ എന്നോട് ചോദിച്ചു..

“വരണം.. പക്ഷെ അവളെ കൂട്ടാൻ അല്ല.. “

ഞാനും ചിരിച്ചു…

“ദേവീ…..”

അദ്ദേഹം നെഞ്ചിൽ കൈ വച്ചു..

“അച്ഛാ.. ഞാൻ ഒരു കാര്യം പറഞ്ഞോട്ടെ? “

“എന്താ മോനെ? മോന് എന്തും പറയാൻ ഉള്ള അവകാശം ഉണ്ടല്ലോ?”

“അച്ഛാ.. ലക്ഷ്മിയെ ഞങ്ങൾ കണ്ടിരുന്നു… അച്ഛൻ അവളോട് ക്ഷമിക്കണം… മക്കൾ തെറ്റ് ചെയ്താൽ അച്ഛൻ, അമ്മ അല്ലാതെ വേറെ ആര് ക്ഷമിക്കാൻ ആണ്? പിന്നെ ഒരു കാര്യത്തിന് അവളോട് എനിക്ക് നന്ദി ഉണ്ട്…”

അദ്ദേഹം എന്നെ ചോദ്യ ഭാവത്തിൽ നോക്കി..

“അവൾ പോയത് കൊണ്ടല്ലേ അച്ഛന്റെ ഇളയ മകളെ ഞാൻ കെട്ടിയത്? ആ കൊച്ചു ദേവിയെ എനിക്ക് തന്നതിന് അച്ഛനോട് എത്ര നന്ദി പറഞ്ഞാലും തീരില്ല.. എന്റെ ജീവൻ കൊടുത്തും അവളെ ഞാൻ പൊന്നു പൊലെ നോക്കും അച്ഛാ…അത്ര ഇഷ്ടമാണ് എനിക്ക് അവളെ….”

ഞാൻ അത് പറഞ്ഞു തീർന്നപ്പോൾ അദ്ദേഹം വിതുമ്പിപ്പോയി.. ഞാൻ കയ്യിൽ പിടിച്ചു ഒന്ന് അമർത്തി.. അതിൽ ഉണ്ടായിരുന്നു എല്ലാം..