ദുർഗ്ഗ [മാലാഖയുടെ കാമുകൻ] 2183

“ഈ ഏട്ടൻ… ഛെ.. എന്താ ഇത്ര കാണാൻ?”

അവൾ വീണ്ടും കയറു പൊട്ടിക്കാൻ തുടങ്ങി..

“ 90 സെന്റിമീറ്റർ.. 34c.. “

ഞാൻ അത് നോക്കി വായിച്ചു..

“ആഹാ അതിനിടക്ക് അളവെടുക്കുകയാണോ? “

അവളുടെ ചോദ്യം…

“ഈ ഒരു സാധനം കാരണം എന്തൊക്കെ പ്രശ്നങ്ങൾ ആണ് അല്ലെ ഉണ്ടായത്? ഇതെനിക്ക് പാകം ആകുമോ?”

ഞാൻ അങ്ങനെ ചോദിച്ചു ചിരിയോടെ അത് എന്റെ നെഞ്ചിൽ വച്ച് നോക്കി…

അവൾ പൊട്ടി ചിരിച്ചു..

“എന്റെ ദേവീ….ഒന്ന് തരുന്നുണ്ടോ ഏട്ടാ?”

ഇനി കളിച്ചു അവളെ ശരിക്കും ദുർഗ്ഗ ആക്കേണ്ട എന്ന് കരുതി ഞാൻ വേഗം അത് കൊടുത്തു..

അവൾ അത് വാങ്ങി എന്നെയൊന്നു കള്ളക്കണ്ണിൽ നോക്കി കതക് അടച്ചു..

അവൾ കുളിച്ചു ടവൽ തലയിൽ കെട്ടി വന്നപ്പോൾ ഞാൻ ഫുഡ് എടുത്തു വെക്കുകയായിരുന്നു..

മെറൂൺ കളർ പാവാടയും വെള്ള അയഞ്ഞ ബനിയനും, തലയിൽ ടവൽ കെട്ടി.. എന്റെ കയ്യിൽ വന്നു തൂങ്ങി മേശപ്പുറത്തു ഇരുന്ന ബിരിയാണിയെ നോക്കുന്ന എന്റെ പെണ്ണ്..

അവൾ തല ചെരിച്ചു നോക്കിയപ്പോൾ ആണ് ഞാൻ അവളെ നോക്കി നിൽക്കുന്നത് അവൾ ശ്രദിച്ചത്…

മുഖത്തേക്ക് ചോര ഇരച്ചു കയറി കണ്ണുകൾ താഴ്ന്നു… എന്റെ തോളിൽ അവൾ കവിൾ ചേർത്ത് വച്ചു, എന്നെ കടക്കണ്ണിൽ ഒന്ന് നോക്കി…

പൂച്ചകുഞ്ഞു പോലെ… ഞാൻ അവളെ ചേർത്ത് പിടിച്ചു നിറുകയിൽ ഒരു ഉമ്മ കൊടുത്തു..

“കഴിക്കാം വാവേ?”

“മ്മ്മ്… കഴിക്കാം…”

ഞങ്ങൾ ഇരുന്നു ഭക്ഷണം കഴിച്ചു.. മെല്ലെ.. കണ്ണിൽ കണ്ണിൽ നോക്കി..

അടക്കാൻ ആകാത്ത പ്രണയം ഉടലെടുത്തത് ഞാൻ അറിയുന്നുണ്ടായിരുന്നു..

പെണ്ണിന്റെ കണ്ണ് കാണുമ്പോൾ എനിക്ക് ശക്തി ചോർന്നു പോകുന്നത് പോലെ.. ഹൃദയം പിടക്കുന്നു.. വിരലുകൾക്ക് ഒരു വിറയൽ ബാധിക്കുന്നു…

“രാവിലെ പോയാലോ വാവേ? അമ്മ വിളിച്ചിരുന്നു.. നീ ഇറങ്ങി പോയ അന്ന് കുറെ കരഞ്ഞു അമ്മ.. ഞാനും അപ്പോൾ വന്നതാണ്…”

ഞാൻ ഒരു പുഞ്ചിരിയോടെ അവളോട് ചോദിച്ചു..