ദുർഗ്ഗ [മാലാഖയുടെ കാമുകൻ] 2183

വണ്ടി നിന്നപ്പോൾ എല്ലാവരും ഇറങ്ങി.. എനിക്ക് വല്ലാതെ തോന്നി.. വണ്ടി എടുത്തു പോയാലോ? അപ്പോഴേക്കും അപ്പു വന്നു ഡോർ തുറന്നിരുന്നു..“വാ ഏട്ടാ…”

അവൾ എന്റെ കൈ പിടിച്ചു വലിച്ചു.. ഞാൻ ഇറങ്ങി..

വീടിന്റെ ഒരു വശത്തു നിന്നും പുറകിലേക്ക് ഓടി പോകുന്ന ഒരു സുന്ദരിയിൽ ആണ് എന്റെ കണ്ണുകൾ ഉടക്കിയത്.. എന്റെ ദൈവമേ.. പെണ്ണുങ്ങൾക്ക് ഇത്രയും ഭംഗിയോ? എന്റെ ചങ്കു ഒന്ന് പിടച്ചു.

ഒരു കൈ അല്പം വിടർത്തി മറു കൈ സാരി അല്പം പൊക്കി പിടിച്ചു ഒരു താളത്തിൽ ഓടുന്ന ഓട്ടം, അതും ഒരു ചുവന്ന സാരി ഉടുത്ത്.. വിരിഞ്ഞു തള്ളിയ നിതംബത്തിന്റെ ഒപ്പം കിടക്കുന്ന മുടി..

“ഏട്ടാ??”

അപ്പുവിന്റെ വിളി കേട്ട് ഞാൻ ഞെട്ടി.

അപ്പോഴേക്കും എന്റെ അച്ഛന്റെ പ്രായം ഉള്ള ഒരാൾ ഇറങ്ങി വന്നു.

“ഡീ അവർ എത്തി കേട്ടോ…”

അയാൾ അകത്തേക്ക് നോക്കി വിളിച്ചു പറഞ്ഞു. അകത്തു നിന്നും എന്റെ അമ്മയെപ്പോലെ തന്നെ ഒരു സുന്ദരി ഇറങ്ങി വന്നു.

“അമ്മ കൊള്ളാം.. അപ്പോൾ…”

അപ്പു എന്റെ ചെവിയിൽ മന്ദ്രിച്ചു.. ശരിയാണ് അമ്മ കൊള്ളാം.. മകളും കൊള്ളാം എന്ന് ഞാൻ മനസ്സിൽ പറഞ്ഞു.. മകൾ ആയിരിക്കണം.

“കയറി വാ.. “

അയാൾ വിളിച്ചു അകത്തു കയറി ഞങ്ങൾ സോഫയിൽ ഇരുന്നു..

അച്ഛനും അമ്മയും ഓരോ സീറ്റിലും ഞാനും അപ്പുവും ഒരുമിച്ചും.

“വഴി കണ്ടു പിടിക്കാൻ ബുദ്ധിമുട്ട് ഉണ്ടായില്ലല്ലോ അല്ലെ?”

അയാൾ സാധാരണ ചോദ്യത്തിൽ തന്നെ തുടങ്ങി.. അച്ഛൻ അതിന് മറുപടിയും കൊടുത്തു.

കുറെ വീട്ടു വിശേഷം പറഞ്ഞു.. അതിന്റെ കൂടെ എന്റെ ഷോപ്പിന്റെ കാര്യവും പറഞ്ഞു അച്ഛൻ.

ഞാൻ ആരവ്… വീട്ടിൽ എന്നെ ആരു എന്നും അനിയത്തി അപൂർവയെ അപ്പു എന്നും വിളിക്കും.. ഞാൻ ഹോം ആപ്പ്ലൈൻസെസ് ഷോറൂം നടത്തുകയാണ്.. ഗൾഫിൽ ഒക്കെ ജോലി ചെയ്‌തെങ്കിലും സ്വന്തമായി എന്തെങ്കിലും തുടങ്ങണം എന്ന് കരുതി തുടങ്ങിയതാണ്.. അത് വലിയ മോശം ഇല്ലാതെ പോകുന്നു.