ദുർഗ്ഗ [മാലാഖയുടെ കാമുകൻ] 2183

അവൾ കരഞ്ഞു..

“എന്നോട് ക്ഷമിക്കണം എന്ന് പോലും… പറയാൻ…..”

“ക്ഷമിച്ചു.. സന്തോഷം ആയി ജീവിക്കുക.. കേട്ടോ.. “

ഞാൻ അവളുടെ തോളിൽ ഒന്ന് തട്ടി.. അവൾ വല്ലാതെ കരഞ്ഞപ്പോൾ എനിക്ക് സങ്കടം തോന്നി.. ആദ്യ പ്രണയം ആണ്..

അവൾ ദുർഗയെ ഒന്ന് നോക്കി വേറെ ഒരു കാറിനു നേരെ നടന്നു..
എങ്ങോട്ടോ പോകുകയാണെന്ന് എനിക്ക് തോന്നി.. കൂടുതൽ ഒന്നും ആലോചിക്കാൻ നിൽക്കാതെ ഞാൻ വണ്ടിയിൽ കയറി കാറ് മുൻപോട്ട് എടുത്തു..

ഡുർഗ്ഗ കരഞ്ഞു ഇരിക്കുന്നുണ്ടായിരുന്നു..

“എങ്ങനെ കഴിയുന്നു ഏട്ടന് ഇങ്ങനെ? സഹിക്കാൻ..? ഒരു മോശം വാക്കു പോലും പറയാതെ… ?”

അവൾ ചോദിച്ചപ്പോൾ ഞാൻ ഒന്ന് ചിരിച്ചു..

“ഒരുപാട് സ്വപ്നം കാണാൻ പഠിപ്പിച്ച പെണ്ണ് ആണ്.. എന്റെ ആദ്യ പ്രണയം.. അവളോട് അങ്ങനെ ദേഷ്യപ്പെടാൻ എനിക്ക് ആകില്ല…”

ദുർഗ്ഗ അസൂയ നിറഞ്ഞ കണ്ണുകൾ കൊണ്ട് എന്നെ നോക്കി..

“ഹ്മ്മ്മ്.. മണ്ടി.. പൊട്ടത്തി.. ഇത്ര സ്നേഹിച്ച ഒരാളെ വിട്ടു പോയി… അവളുടെ നഷ്ട്ടം….”

അവൾ അത് പറഞ്ഞപ്പോൾ ഞാൻ ചിരിച്ചു.. എനിക്ക് ഒന്നും പറയാൻ ഇല്ലായിരുന്നു..

ഇപ്പോൾ എന്റെ ഭാഗ്യം അവൾ പോയത്.. എനിക്ക് നിന്നെ കിട്ടിയില്ലേ എന്ന് ചോദിച്ചാൽ ദുർഗ്ഗ എന്റെ നെഞ്ചിൽ വീണു കരയും.. എന്തോ.. എന്റെ ഈഗോ അതിനു സമ്മതിക്കുന്നില്ല…

വഴിയിൽ ഭക്ഷണം കഴിക്കാൻ നിർത്തി.. ഫിഷ് ബിരിയാണിയും, തന്തൂരി ചിക്കനും ആണ് ഓർഡർ ചെയ്തത്.. ഞാൻ കഴിച്ചു കൊണ്ടിരുന്നപ്പോൾ അവളെ നോക്കി..

സപ്ലയർ ജ്യൂസ് കൊണ്ടുവന്നപ്പോൾ അയാളെ നോക്കി മാന്യമായി പുഞ്ചിരിച്ചുകൊണ്ട്..

ഒരു കൊച്ചു ചിക്കൻ പീസ് വായിലേക്ക് വചു മെല്ലെ മെല്ലെ അതിനെ വേദനിപ്പിക്കാതെ കഴിക്കുന്ന എന്റെ ഭാര്യാ.

അവളുടെ ചോര വർണം ഉള്ള അധരങ്ങൾ.. പിടക്കുന്ന കണ്ണുകൾ.. റോസ് സാരിയുടെ പുറത്തേയ്ക്ക് കിടക്കുന്ന ഞാൻ കെട്ടിയ താലി..

ഞാൻ ഒന്ന് ചുറ്റും നോക്കി.. പല കണ്ണുകളും അവളെ ആണ് നോക്കുന്നത്..

അതിൽ അസൂയ കലർന്ന സ്ത്രീകളുടെ കണ്ണുകളും ഉണ്ട്..