രുദ്ര വീരസിംഹൻ -THE WARRIOR PRINCE-part-8 [PONMINS] 779

ഒമർ : ഓഹ് , അവർക്ക് ഇവിടെ കുറെ ബിസിനസ് ഉണ്ടോ ,,,

ഫാസിൽ : ഉപ്പുപ്പ പറഞ്ഞില്ലേ നമ്മുടെ ടി ഫാക്ടറി അവരുടെ ആളുകൾ കയ്യേറിയിരിക്ക ആണെന്ന് ,അവിടുത്തെ തൊഴിലാളികൾക്ക് താമസിക്കാൻ ആയി 2 കോളനി ഉണ്ട് , അവിടെ എന്തൊക്കെ ആണ് നടക്കുന്നത് എന്ന് പുറം ലോകത്തിന് അറിയില്ല , ഒരിക്കൽ എന്റെ ഒരു ഫ്രണ്ട്‌ പറഞ്ഞു കേട്ടിട്ടുണ്ട് , അവിടുത്തെ സ്കൂളിൽ പഠിക്കുന്ന പെൺകുട്ടികൾ എല്ലാം പലപ്പോഴായി മിസ് ആവാറുണ്ടെന്ന് ,അവരെല്ലാം ഇവരുടെ കസ്റ്റഡിയിൽ ആണെന്ന് , അതുപോലെ അവിടുത്തെ ലേഡീസ് വർക്കേഴ്സ് ഒന്നും പുറത്തേക്കെ വരാറില്ല , എന്തൊക്കയോ ദുരൂഹതകൾ ഉള്ളത് പോലെ ഉണ്ട് , അവിടെ മൊത്തം ഗുണ്ടകളുടെ വിളയാട്ടം ആയത് കൊണ്ട് അങ്ങോട്ട് ഒന്ന് അടുക്കാൻ പോലും പറ്റില്ല .

ഒമർ എല്ലാം കേട്ട ശേഷം അച്ചുവിനെ ഒന്ന് നോക്കി എല്ലാം ഒരു ചിരിയോടെ കേട്ട് നിൽക്കുന്ന അവനെ കാണെ അവനിലും ചിരി വിരിഞ്ഞു .

ഫാസിൽ : ഞാൻ ഇപ്പൊ ഒന്ന് പുറത്തു പോവാ , നമുക്ക് ഇന്ന് വൈകിട്ട് ഒന്ന് പുറത്തൊക്കെ കറങ്ങാം നമുക്ക് ,,, അവൻ ചിരിയോടെ പറഞ്ഞുകൊണ്ട് പുറത്തേക്ക് പോയി .

യാസിനും ജാസ്മിനും കണ്ണനും അച്ചു പറഞ്ഞ മറ്റ് കാര്യങ്ങൾ ചെയ്യാൻ പോയി , അച്ചു റൂമിൽ ചെന്ന് അവന്റെ ലാപ് എടുത്തു അവന്റേതായ വർക്കിലേക്കും തിരിഞ്ഞു .

ഉച്ച ഭക്ഷണ സമയത്തു ആണ് എല്ലാവരും പിന്നെ ഒത്തു കൂടിയത്, ടേബിളിൽ നിരന്ന മോരുകാരിയും മീൻ ചുട്ടതും ചോറും കൂട്ടി അവർ കുശാലായി കഴിച്ചുകൊണ്ടിരുന്നു , കൈജയും ഹഫ്സയുമടക്കം എല്ലാവരെയും ഇരുത്തിയിരുന്നു ഒമർ ,

ഹാജിക്ക : ഇന്നത്തെ മോര് കറിയും മീൻ പൊള്ളിച്ചതും ഒരു വ്യത്യസ്ഥ രുചി ആണല്ലോ കൈജ ,, ഇത് ഇജ്ജ് വെച്ചത് അല്ലെ ,, അയാൾ ചിരിയോടെ തന്നെ കഴിച്ചുകൊണ്ടിരിക്കെ ചോദിച്ചു

ഫായിസ് : അതെ , എന്തായാലും അപാര ടേസ്റ്റ് ആണ് ,,,

ഹഫ്സ : ആ എന്ന നല്ലോണം കഴിച്ചോ ഉപ്പ , ഇത് നിങ്ങടെ മരോന്റെ കൈപുണ്യ ,,,, അവർ ഒമെറിനെ നോക്കി ചിരിയോടെ പറഞ്ഞു ,,, അതുകേട്ട അവൻ ഒന്ന് ചിരിച്ചു കാണിച്ചു എല്ലാവരെയും , ഹാജിക്കയും ഫായിസും ആയിശയുമെല്ലാം ഒമെറിനെ ഒന്ന് നോക്കി , ആയിഷ അന്തം വിട്ട് അവനെ തന്നെ നോക്കി ഇരിക്കുക ആണ് ,,

ജാസ്മിൻ : അതെ ആൾ കാണുന്ന പോലെ ഒന്നും അല്ലാട്ടോ ,അപാര കൈപുണ്യ പുള്ളിക്ക് , എന്ത് ഉണ്ടാക്കിയാലും സൂപ്പർ ടേസ്റ്റ് ആണ് ,,,
അതെല്ലാം കേട്ട് എല്ലാവരും നിറഞ്ഞ ചിരിയോടെ തന്നെ കഴിച്ചു, എന്നാൽ വീണ്ടും വീണ്ടും ചോറും കറിയും മീനു ഇട്ട് നിറഞ്ഞ സന്തോഷത്തോടെ ആസ്വദിച്ച് കഴിക്കുന്ന ആയിഷയെ കാണെ ഹാജിക്കയുടെയും കൈജയുടെയും കണ്ണുകൾ നിറഞ്ഞു , അടുക്കളയിൽ ഒരു മൂലയിൽ ഇരുന്നു ഒന്നോ രണ്ടോ കോരി ചോറും കുറച്ചെന്തെങ്കിലും കൂട്ടാനും മാത്രം കൂട്ടി കഴിച്ചെന്ന വരുത്തുന്ന ആയിഷയെ തന്റെ മനസ്സും വയറും കഴിക്കുന്നത് അവർ ആദ്യമായി കാണുക ആയിരുന്നു , സന്തോഷത്തോടെ തന്നെ അവരെല്ലാം കഴിച്ചു തീർത്തു .

ഭക്ഷണമെല്ലാം കഴിഞ്ഞു ഒരു ചെറിയ റെസ്റ്റിന് ശേഷം അവരെല്ലാം പുറത്തേക്കൊന്ന് കറങ്ങി വരാൻ തീരുമാനിച്ചു , ജാസ്മിൻ ഉള്ളത് കൊണ്ട് ആയിഷയെയും അവരുടെ കൂടെ പോകാൻ മടി കാണിക്കാതെ റെഡി ആയി , രണ്ട് വണ്ടിയിൽ ആയാണ് അവർ പോയത് , ആദ്യം അവർ ടൗണിലേക്ക് പോയി , ഐഷക്കും വീട്ടിലുള്ളവർക്കും അവർക്കും എല്ലാം കുറച്ചു ഡ്രെസ്സും മാറ്റ് കാര്യങ്ങളും വാങ്ങി , ഒമർ ആയിഷക്ക് ഒരു ഐ ഫോണും ഒരു ഐ പാഡും വാങ്ങി കൊടുത്തു , പിന്നെ അല്ലറ ചില്ലറ സാധനങ്ങളും വാങ്ങി , അവൾ വേണ്ടെന്ന് പറഞ്ഞിട്ടും അതൊന്നും കാര്യമാക്കാതെ തന്നെ എല്ലാം ചെയ്ത് കൊടുത്തു , തിരിച്ചു വരുന്ന വഴി ഫാസിലിന്റെ ഫ്രണ്ട്സിനെ കണ്ടതും വണ്ടി നിർത്തി അവരെല്ലാം ഇറങ്ങി അവരെയെല്ലാം പരിചയപെട്ടു , നാളത്തെ കളി കാണാൻ അവരെയെല്ലാം ക്ഷണിക്കുകയും ചെയ്തിരുന്നു , അവരെല്ലാം വരാമെന്നും സമ്മതം നൽകി,

വീട്ടിൽ എത്തി ഫ്രഷ് ആയ ശേഷം കൈജ ഒരുക്കിയ ചായയും പഴംപൊരിയും കഴിച്ചു എല്ലാവരും ഹാളിൽ ഇരുന്നു , ഒമർ അവർക്കായി വാങ്ങിയ ഡ്രെസ്സുകൾ എല്ലാം അവർക്ക് കൊടുത്തിരുന്നു ആയിഷ , അച്ചു പറഞ്ഞ കാര്യങ്ങൾ എല്ലാം ഒമർ അപ്പോൾ അവിടെ അവതരിപ്പിച്ചു , ഒരു സ്വത്തും ആയിഷന്റെ പേരിൽ നിന്നും മാറ്റാതെ നോക്കി നടത്താൻ മാത്രം ഏറ്റെടുക്കുന്ന രീതിയിൽ ഉള്ള ഡോകുമെന്റ്സ് കണ്ടതും എല്ലാവരും സന്തോഷത്തോടെ സമ്മതിച്ചു , ഒപ്പിടുന്നതിന് മുൻപ് ആയിഷ ഒമെറിനെ ഒന്ന് സമ്മതത്തിനായി നോക്കി , അവൻ ചിരിയോടെ സമ്മതം നൽകിയതും അതെ ചിരിയോടെ തന്നെ അവൾ എല്ലാ പേപ്പറിലും ഒപ്പിട്ടു .
—————-///////———-///////———-/////——-

ഹെഡ് ഓഫീസിൽ നിന്നും ജോലി കഴിഞ്ഞശേഷം ഫൈസലിനൊപ്പം വീട്ടിലേക്ക് മടങ്ങുക ആയിരുന്നു ഫർസാന , അവർ ഇറങ്ങി കുറച്ചു മുന്നോട്ട് പോയതും ഒരു ഇന്നോവ അവരുടെ മുന്നിൽ ക്രോസ്സ് ചെയ്തു നിർത്തി , അതിൽ നിന്നും 6 പേർ ഇറങ്ങി , അതിൽ ഒരാൾ അവരുടെ ബൈക്കിന് മുന്നിലേക്ക് വന്നു നിന്നു ,അവൾക്ക് നേരെ ഫോൺ നീട്ടി , അവൾ പേടിയോടെ തന്നെ ആ ഫോൺ വാങ്ങി ചെവിയോട് ചേർത്തു ,അപ്പുറത്തു നിന്നും ദേഷ്യത്തോടെ ഉള്ള ശബ്ദം ഉയർന്നു

“ നിനക്ക് ഞാൻ പല വാണിംഗ് തന്നതാണ് , എന്നിട്ടും നീ എന്നെ ചതിച്ചു , നിന്റെ കൂട്ടുകാരിയുടെ ജീവനേക്കാൾ നിനക്ക് വലുത് ആ പ്രൊജക്റ്റ് ആണെന്ന് നീ തെളിയിച്ചു , കൂട്ടുകാരിയുടെ ജീവന് നിനക്ക് വില കാണില്ല ,പകരം ഇപ്പോ ഞാൻ നിന്റെ അനിയന്റെ ജീവനങ് എടുക്കാൻ പോവാ , അതിലും നിനക്ക് മതിയായില്ലേൽ നിന്റെ ഭർത്താവും ഉമ്മയും പിന്നാലെ തീരും ഹഹഹ “,,,, അത്രയും പറഞ്ഞു അയാൾ ഫോൺ കട്ട് ചെയ്തു , കേട്ടതിന്റെ ഞെട്ടലിൽ ആയിരുന്നു ഫർസാന , ആകെ മരവിച്ച അവസ്ഥ , അവൾ കണ്ണീരോടെ തന്റെ മുന്നിൽ നിൽക്കുന്ന ഫൈസലിനെ നോക്കി , ആ ഗുണ്ട വന്ന് ഫോൺ പിടിച്ചു വാങ്ങിയ ശേഷം അവളെ പിറകോട്ട് തള്ളി അവൾ രണ്ട് സ്റ്റെപ്പ് പിന്നോട്ടാഞ്ഞു , മറ്റൊരു ഗുണ്ട വടിവാളും ആയി ഫൈസലിന് നേരെ വന്നു , ഫർസാനയെ തള്ളുന്നത് കണ്ട് അവളെ പിടിക്കാൻ തിരിഞ്ഞു നിന്നിരുന്ന ഫൈസൽ അത് കണ്ടില്ലായിരുന്നു വന്നാൽ അത് കണ്ട ഫർസാന അവന്റെ മുന്നിലേക്കു പെട്ടെന്ന് കയറി നിന്നു , ഒരു ചിരിയോടെ ആ ഗുണ്ട അവൾക്ക് നേരെ തന്നെ വന്നു , എന്താ സംഭവിക്കുന്നത് എന്ന് മനസ്സിലാവാതെ അലറി കരഞ്ഞു തനിക്ക് സംരക്ഷണം ഒരുക്കി നിൽക്കുന്ന ഫർസാനയെ നോക്കി ഫൈസൽ , അപ്പോഴാണ് വാളുമായി അവർക്ക് നേരെ വരുന്ന ഒരുത്തനെ അവനും കണ്ടത് , പിന്നെ ഒട്ടും വൈകാതെ അവളുടെ കൈപിടിച്ച് പിന്നോട്ട് ഓടി അവൻ , അതുകണ്ട ആ 6 പേരും അവർക്ക് പിന്നാലെ പോയി , അവർ അടുത്ത് എത്താൻ ആയതും ആ രണ്ട് കൂട്ടർക്കും നടുവിലായി മറ്റൊരു വാൻ വന്ന് നിന്നു , അതിൽ നിന്നും ഇറങ്ങിയ 3 മുഖമൂടി ധാരികൾ അവർ 6 പേരെ നിഷ്പ്രയാസം കീഴ്‌പ്പെടുത്തി അവരുടെ വണ്ടിയിലേക്ക് ഇട്ടു , അവിടേം വിട്ടു , ഫർസാനയും ഫൈസലും ഒന്നും മനസ്സിലാവാതെ പരസ്പരം നോക്കി നിന്നു , ഫർസാനയുടെ ഫോൺ റിങ് ചെയ്തതും അവൾ നമ്പർ പോലും നോക്കാതെ അത് ചെവിയോട് ചേർത്തു .