ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

കമ്മീഷണറുടെ നിർദേശപ്രകാരം, അദ്ദേഹത്തിൽ നിന്ന് ഒരു അറിയിപ്പ് വരുന്നത് വരെ പോലീസുകാരോട് പിന്തുടരുന്നത് തൽക്കാലത്തേക്ക് നിർത്തി വെക്കാൻ പറഞ്ഞു…തങ്ങൾക്ക് വേണ്ടി പോലീസുകാരുടെ ജീവൻ പണയപ്പെടുത്താൻ ഡെറിക്കിനും താല്പര്യമില്ലായിരുന്നു..അത് കൊണ്ട് കുറച്ചൂടെ മുന്നോട്ട് പോയതിന് ശേഷം അവർ വണ്ടി ഒരു സുരക്ഷിതമായ ഒരിടം നോക്കി നിർത്തി വെച്ചു…

അധികം വൈകാതെ തന്നെ ഡെറിക്കും

സംഘവും പോലീസുകാരുടെ അടുത്തെത്തി….

അവരോട് വിവരങ്ങളൊക്കെ ചോദിച്ചറിഞ്ഞതിന് ശേഷം നന്ദിയും പറഞ്ഞും കൊണ്ട് അവരെ യാത്രയാക്കി….

പിന്നീട് അടുത്തതെന്തെന്നുള്ള ചിന്തയിലായി ഡെറിക്കും സംഘവും…

“ഡെറിക്….കമ്മീഷണറുടെ അനുവാദത്തിന് വേണ്ടി കാത്തു നിൽക്കണോ ? ”

“വേണ്ട എന്നാണ് എന്റെയും അഭിപ്രായം… നിങ്ങളെന്തു പറയുന്നു ? ”

“കാത്തു നിൽക്കേണ്ട…നമുക്ക് നീങ്ങാം….

കുട്ടികളുടെ സുരക്ഷയ്ക്കല്ലേ നമ്മളിപ്പോൾ പ്രാധാന്യം കൊടുക്കേണ്ടത് ”

“എന്നാൽ വേറൊന്നും ചിന്തിക്കേണ്ട….

വാ… പുറപ്പെടാം…”

“പക്ഷേ, അവരെ നമ്മുടെ കൈയിൽ നിന്ന് വിട്ടു കളഞ്ഞില്ലേ….ഒരുപാട് ദൂരമെത്തിയിട്ടുണ്ടാകും…. ഇനിയെങ്ങനെയാണ് അവരെ കണ്ടു പിടിക്കുക ? ”