ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

“പത്ത് പന്ത്രണ്ട് പേരുണ്ട്.. ശരിക്കും എണ്ണാൻ കഴിഞ്ഞില്ല…..”

“അത് പ്രശ്‌നമില്ല….ആറ് പേർ മാത്രമാകുമ്പോൾ നമുക്ക് സംശയം തോന്നുമല്ലോ… അത് കൊണ്ട് ബാക്കിയുള്ളവർ ഉറക്കം നടിക്കുന്നതാകാം…

ഉറങ്ങുന്ന പെൺകുട്ടികൾ ആറാളുണ്ടാകുമെന്ന് ഉറപ്പല്ലേ..? ”

“ഏകദേശം ഉറപ്പ് തന്നെയാണ്…

അല്ല…

തീർച്ചയായും ആറിൽ കൂടുതലുണ്ട് ഡെറിക്….”

“ഒരു സംശയം കൂടി…..

താനെന്ത്‌ കൊണ്ടാണ് ആദ്യം പരിശോധിച്ചപ്പോൾ ആ പെൺകുട്ടിയുടെ മുഖം തിരിച്ചറിയാതിരുന്നത്…ഫോട്ടോ പോലും കൈയിൽ ഇല്ലേ ? ”

“ആർക്കായാലും മനസ്സിലാകില്ല ഡെറിക്… മേക്കപ്പായിരുന്നു മുഴുവൻ…ആ കുട്ടി മാത്രമല്ല…ആ ബസിലുള്ള എല്ലാവരും….

കല്യാണത്തിന് പോകുന്നതായത് കൊണ്ട് അതിൽ സംശയവും വന്നില്ല….ഇപ്പോഴൊക്കെയുള്ള മേക്കപ്പ് എങ്ങനെയാണെന്ന് അറിയാല്ലോ…. യഥാർത്ഥ മുഖവുമായി ഒരു ബന്ധവുമുണ്ടാകില്ല…”

“ഏതായാലും ക്യാമറക്കണ്ണുകളിൽ നിന്ന് തന്നെ നിങ്ങൾ ഇതൊക്കെ മനസ്സിലാക്കിയല്ലോ…

ഗ്രേറ്റ്‌ ജോബ് ഗീത – സേവിയർ ”