ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

“കാമവെറിയന്മാരായ ഈ നരമ്പ് രോഗികളുടെ ലിംഗം മുറിച്ചു കളയണം…

അല്ല…അത് പോരാ….

കൊല്ലണം… ഇവനൊക്കെ ഇനിയും ജീവിച്ചിരുന്നാൽ ഭൂമിദേവി നമ്മളോട് പൊറുക്കൂല….”

ഡെറിക് ചിരിച്ചും കൊണ്ട് അജിത്തിനെയും സേവിയറെയും തിരിഞ്ഞു നോക്കിക്കൊണ്ട് മുകളിലേക്ക് നടന്നു….

അവന്റെ അപ്പോഴത്തെ പെരുമാറ്റം ഗീതയ്ക്ക് തീരെ ഇഷ്ടപ്പെട്ടില്ല…. ഡെറിക്കിൽ നിന്ന് അവൾ പലതും പ്രതീക്ഷിച്ചായിരുന്നു എല്ലാം പറഞ്ഞത്…

തന്നേയും നോക്കി നിൽക്കുന്നുണ്ടായിരുന്ന അജിത്തിനെയും സേവിയറേയും അവൾ ദേഷ്യത്തോടെ നോക്കി…

“നിന്റെയൊക്കെ ആരാധനാ കഥാപാത്രമായ ഡെറിക് എബ്രഹാം എന്താണിപ്പോൾ ഇങ്ങനെ…?

അല്ലെങ്കിൽ ആവശ്യമില്ലാത്തിടത്ത് പോലും സീൻ ആക്കുന്ന മഹാനാണല്ലോ….

എന്താ അങ്ങേരുടെ നന്മയും നീതിയും നശിച്ചു പോയോ…?

ഈ കൊച്ചു പിള്ളേരുടെ കാര്യത്തിൽ ഒന്നും ചെയ്തില്ലെങ്കിൽ പിന്നെന്ത് നേടിയിട്ടും വല്ല കാര്യവുമുണ്ടോ ? ”

അവളുടെ സംസാരം കേട്ടിട്ട് അജിത്തും സേവിയറും ചിരിച്ചു….

“നിങ്ങളും പരിഹസിക്കുകയാണോ…?

ഹാ…. നിങ്ങളൊക്കെ അയാളുടെ പക്ഷമാണല്ലോ….ഞാനത് മറന്നു…”