ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

അതും പറഞ്ഞു ചിരിച്ചും കൊണ്ട് അവരെല്ലാവരും ആ പെൺകുട്ടികളെ ലക്ഷ്യമാക്കി മുന്നോട്ട് നീങ്ങി….

പെട്ടെന്ന് അവർ പ്രതീക്ഷിക്കാതെ , കുട്ടികളെ തള്ളി മാറ്റിക്കൊണ്ട് അവരുടെ പിന്നിൽ നിന്നും നാല് കാലുകൾ ചീറി വന്നു…ആ ഗുണ്ടകൾ ജയിലിന്റെ അഴികളിലേക്ക് തെറിച്ചു വീണു….ഭൂമികുലുങ്ങുന്ന ശബ്ദത്തോട് കൂടി നിലം പതിച്ചു…തെറിച്ചു വീണ ഞെട്ടലിൽ അവിടെയെന്താണ് സംഭവിക്കുന്നതെന്ന് അവർക്ക് മനസ്സിലാകുന്നുണ്ടായിരുന്നില്ല…

കുറച്ചു നിമിഷങ്ങൾക്ക് ശേഷം വീണിടത്ത് നിന്നും സമനില വീണ്ടെടുത്തു കൊണ്ട് മെല്ലെ കുട്ടികളുടെ ഭാഗത്തേക്ക്‌ തിരിഞ്ഞു….

കാലുകൾ വന്നിടത്തേക്ക് നോക്കിയപ്പോൾ , നാല് പേർ കുട്ടികളുടെ പിന്നിൽ ചമ്രം പടിഞ്ഞിരിക്കുന്നു….

ചവിട്ടേറ്റ് നിലത്ത് വീണിട്ടുണ്ടായിരുന്നവർ അവിടുന്ന് ചാടിയെണീറ്റും കൊണ്ട് അവരിലേക്ക് ചീറിപ്പാഞ്ഞു….

നാല് പേരും ഒരേ പോലെ , കൈയും നിലത്ത് കുത്തി കാലുകൾ മേലേക്ക് ഉയർത്തിക്കൊണ്ട് ആദ്യത്തേക്കാൾ ഉശിരോടെ വീണ്ടും അവരെ ചവിട്ടി….അക്രമികൾ നാല് ഭാഗത്തേക്കും തെറിച്ചു വീണു….

ആ ചവിട്ടലിന് ആക്കം കൂടുതലായതിനാൽ തന്നെ അവർക്ക് പെട്ടെന്ന് എഴുന്നേൽക്കാൻ പറ്റുന്നുണ്ടായിരുന്നില്ല…

ഇത് കണ്ടു പകച്ചു പോയിരുന്ന, തടവറയുടെ പുറത്ത് നിന്ന ഗുണ്ടകളും അകത്തേക്ക് കയറാൻ തുടങ്ങി…അതിൽ ആദ്യത്തെ ഗുണ്ട ഓടിക്കയറുമ്പോൾ തന്നെ ഡെറിക് അവരിലേക്ക് ഓടിയടുത്തു….ആ ഗുണ്ടയുടെ അരികിലെത്തിയപ്പോൾ മുകളിലേക്ക് കുതിച്ചു ചാടിക്കൊണ്ട് അവനെ ആഞ്ഞു ചവിട്ടി… അവന്റെ കൂടെ , പിന്നാലെ വന്നവരും പുറകിലേക്ക് തെറിച്ചു വീണു..

അപ്പോഴേക്കും ആ തുറങ്കലിലുണ്ടായിരുന്ന ബാക്കി കുട്ടികളും പുറത്തേക്കിറങ്ങിയിരുന്നു..

ഓർക്കാപ്പുറത്ത് കിട്ടിയ അടിയിൽ നിന്ന് മോചിതരാവാൻ ആ ഗുണ്ടകൾക്ക് കുറച്ചു സമയം വേണ്ടി വന്നു…. അതിന് ശേഷം അവർ നാല് പേരിലേക്കും ഓടി വന്നു… അത് കണ്ടപ്പോൾ അവർ ഗുണ്ടകളിലേക്ക് ചാടി വീണും കൊണ്ട് നെഞ്ചിൽ ആഞ്ഞു ചവിട്ടി….

ആജാനബാഹുക്കളായിരുന്നിട്ടും ഡെറിക്കിന്റെയും കൂട്ടരുടെയും മുന്നിൽ അവർക്ക് പിടിച്ചു നിൽക്കാനായില്ല….

ഡെറിക്കിനെ പോലെ മറ്റുള്ളവരും മാർഷൽ ആർട്സിൽ നൈപ്പുണ്യം നേടിയവരായിരുന്നു…..