ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

കരയേണ്ട സമയമൊക്കെ കഴിഞ്ഞില്ലേ….

നമ്മൾ വീട്ടിലേക്കല്ലേ പോകുന്നത്….

ഇനി കരയരുത് ”

“ഞങ്ങൾക്ക് വീട്ടിൽ പോയി അമ്മച്ചീനെ കാണണം എന്ന് തന്നെയാണ് ചേട്ടായീ…

പക്ഷേ പോകാൻ പേടിയാവുന്നു…

അമ്മ വഴക്ക് പറയും.. അടിയും കിട്ടും….”

“അതെന്തിനാ…?

കുരുത്തക്കേട് കാണിക്കുമ്പോഴല്ലേ അമ്മ അടിക്കുന്നത്….? ”

“ഞങ്ങൾക്ക് അച്ഛനില്ല ചേട്ടായീ….

അമ്മ ഓരോ വീട്ടിലും പണിക്ക് പോയിട്ടാണ് ഞങ്ങളെ സ്ക്കൂളിലേക്ക് അയച്ചിരുന്നത്…

ക്ലാസ്സ്‌ കഴിഞ്ഞു വന്നാൽ അമ്മ വരുന്നത്

വരെ പുറത്തിറങ്ങരുതെന്ന് എപ്പോഴും പറയാറുണ്ടായിരുന്നു…. പക്ഷേ , എന്നും അമ്മ അറിയാതെ ഞങ്ങൾ കളിക്കാൻ പോകാറുണ്ട്…അങ്ങനെ കളിക്കാൻ പോയപ്പോഴാണ് ഞങ്ങളെ പിടിച്ചു കൊണ്ടു വന്നത്…..

അമ്മ ഞങ്ങളെ കാണാതെ സങ്കടപ്പെട്ടിരിക്കുന്നുണ്ടാകും….

അമ്മയുടെ സങ്കടങ്ങളൊക്കെ ഞങ്ങളോട് ദേഷ്യം കാണിച്ചാണ് തീർക്കാറ്…”