ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

“എന്നാലും ഡെറിക്….? ”

” അവർ ആ കുട്ടികളോട് ചെയ്ത ക്രൂര കൃത്യങ്ങൾ മാത്രമല്ല..

അവർ പറഞ്ഞ വാക്കുകൾ..

അത് നിങ്ങളും കേട്ടല്ലോ…

നമ്മളുടെ മുന്നിൽ വെച്ചു പോലും അങ്ങനെയൊക്കെ പറയാൻ ധൈര്യപ്പെട്ട ആ രക്തം ഊറ്റിക്കുടിക്കുന്ന ചെന്നായകൾ ഇനി ജീവിച്ചിരിക്കുന്നത് ഈ ഭൂമിക്ക് തന്നെ ശാപമാണ്…

അത് പോലെയുള്ള കാമവെറി അടങ്ങാത്ത നായകൾക്ക് വേണ്ടിയാണോ നിങ്ങൾ വാദിക്കുന്നത്…? ”

“അല്ല ഡെറിക്… തെളിവുകൾ….? ”

“അവനിൽ നിന്നൊക്കെ എന്ത് തെളിവുകൾ കിട്ടാനാണ്….?

ഒന്നും കിട്ടില്ല…

അവരുടെയടുത്ത് എന്തെങ്കിലുമുണ്ടായിട്ട് വേണ്ടേ അത് നമുക്ക് കിട്ടാൻ….

അവരൊക്കെ വെറും ക്വട്ടേഷൻ സംഘം മാത്രമാണ്…. സ്റ്റീഫനുമായോ ചെട്ടിയാറുമായോ ഒരു ബന്ധവുമില്ലെന്ന് മാത്രമല്ല, അവരാരാണെന്ന് പോലും ഇവന്മാർക്ക് അറിവുണ്ടാകില്ല…

ഇനി അഥവാ ഉണ്ടെങ്കിൽ തന്നെ , അതെന്റെ കണക്കിൽ വെച്ചേക്ക്….