ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

“ബസിനെ പിന്തുടരാൻ മഫ്തയിൽ പോലീസുകാർ തയ്യാറാണല്ലോ.. അല്ലേ…? ”

“അതൊക്കെ തയ്യാറാണ് ഡെറിക്…”

“പിന്തുടരാൻ വേണ്ടി പോലീസ് വണ്ടി ഉപയോഗിക്കരുതെന്ന് പ്രത്യേകം പറയേണ്ടതില്ലല്ലോ…? ”

“വേണ്ട….. ഒരു മാരുതി വാനാണ്….”

“ഓക്കേ… എന്നാൽ കാര്യങ്ങൾ നടക്കട്ടെ….

ഞങ്ങളിവിടുന്ന് ഇറങ്ങുന്നുണ്ട്… നിങ്ങളും തയ്യാറായിക്കോളൂ…എന്നിട്ട് ബസിനെ പിന്തുടരുന്നവരുടെ നിർദേശം പോലെ നീങ്ങിക്കോളൂ… അതിനനുസരിച്ചു ഞങ്ങളും വരാം…. വഴിയിൽ വെച്ചു നമുക്ക് കണ്ടുമുട്ടാം….”

“ഓക്കേ….”

ഗീതയും സേവിയറും ഉടനെ തമിഴ്നാട് അതിർത്തിയിൽ കാത്തു നിൽക്കുന്ന പോലീസുമായി ബന്ധപ്പെട്ടു…. ശ്രദ്ധിക്കേണ്ട കാര്യങ്ങളൊക്കെ അവർക്ക് മനസ്സിലാക്കിക്കൊടുത്തു…മുഖത്തെ ഭാവങ്ങളിൽ ഒരു മാറ്റവും വരാതിരിക്കാൻ പ്രത്യേകം ശ്രദ്ധിക്കാൻ പറഞ്ഞു….

അധികം വൈകാതെ തന്നെ ആ മിനിബസ് തമിഴ്നാട് അതിർത്തിയിൽ എത്തിച്ചേർന്നു…പരിശോധനയിൽ ഗീതയുടെ സംശയങ്ങളെ ശരി വെക്കുന്ന കാര്യങ്ങളാണ് തെളിഞ്ഞു വന്നത്…ഗീതയുടെയും സേവിയറുടേയും നിർദ്ദേശപ്രകാരം മഫ്തയിൽ തയ്യാറായി നിന്നിരുന്ന പോലീസുകാർ മിനി ബസിനെ പിന്തുടർന്നു…