ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

കൂടാതെ അവരും വളരെ വേഗതയിൽ തന്നെ ലക്ഷ്യത്തിലേക്ക് കുതിച്ചു.. അധികം വൈകാതെ തന്നെ ഡെറിക് ഗീതയേയും സേവിയറെയും കണ്ടു മുട്ടി..സമയമേറെ വിലപ്പെട്ടതായത് കൊണ്ട് തന്നെ നാല് പേരും പെട്ടെന്ന് തന്നെ ഒരുമിച്ച് യാത്ര തുടങ്ങി…..

കുറച്ചു നേരം കഴിഞ്ഞപ്പോൾ ഗീതയുടെ ഫോണിൽ പോലീസുകാരുടെ ഫോൺ വന്നു…

“മാഡം.. അവർ ചെന്നൈ റൂട്ടിൽ തന്നെയാണ് വരുന്നത് ”

“ഓക്കേ… നിങ്ങൾ അകലം എപ്പോഴും പാലിക്കണം..ഞങ്ങളും ആ വഴിക്ക് വരുന്നുണ്ട്…ഒരു രീതിയിലും അവർക്കൊരു സംശയവും ഉണ്ടാകരുത്… ഓർമയുണ്ടല്ലോ…? ”

“യെസ് മാഡം… എല്ലാം ശ്രദ്ധിച്ചു കൊണ്ട് തന്നെയാണ് നീങ്ങുന്നത് ”

പോലീസുകാർ അറിയിച്ചതിനെ തുടർന്ന് , ആദ്യം അവരെ ചൈന്നൈയിൽ തന്നെ കാത്തിരിക്കാമെന്ന് വിചാരിച്ചെങ്കിലും , പ്രതീക്ഷിക്കാത്തത് എന്തെങ്കിലും സംഭവിച്ചു പോകുമെന്ന ഭയത്താൽ എത്രയും പെട്ടെന്ന് അവരിലേക്കെത്തണമെന്ന് തോന്നിയത് കൊണ്ട് യാത്ര തുടർന്നു….

കുട്ടികളെയും കൊണ്ടുള്ള വണ്ടിയുടെ ഗതി കണ്ടപ്പോൾ ചെന്നൈയിലേക്ക് തന്നെയാണെന്ന് അവർ ഉറപ്പിച്ചിരുന്നു…കൂടാതെ , കമ്മീഷണർ കൊടുത്തിട്ടുള്ള ചെട്ടിയാരുടെ സങ്കേതങ്ങളുടെ പട്ടികയിൽ ചെന്നൈയിലെ ഒരു സ്ഥലവുമുണ്ടായിരുന്നു..

പക്ഷേ, അപ്രതീക്ഷിതമായി വണ്ടി ചെന്നൈ റൂട്ടിൽ നിന്നും കള്ളക്കുറിച്ചി എന്ന പ്രദേശത്തേക്ക് തിരിഞ്ഞു….

പോലീസുകാർ അത് ഗീതയെ അറിയിച്ചും കൊണ്ട് അവരെ വിടാതെ പിന്തുടർന്നു…

വണ്ടിപുരം കാടുകളിലേക്കായിരുന്നു അവർ പോയത്….

പക്ഷേ, കമ്മീഷണർ തന്ന ചെട്ടിയാരുടെ സങ്കേതങ്ങളുടെ ലിസ്റ്റിൽ വണ്ടിപുരം കാടുകൾ ഉണ്ടായിരുന്നില്ല…അതൊരു ട്രാപ്പാണോന്നൊരു സംശയം ഡെറിക്കിന് തോന്നി…അവൻ പോലീസുകാരോട് സൂക്ഷിച്ച് മുന്നോട്ട് പോകാൻ മുന്നറിയിപ്പ് നൽകി…

അതിന് ശേഷം കമ്മീഷണറെ വിളിച്ചു കാര്യം പറഞ്ഞു….