ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

ഇങ്ങനെയൊക്കെ ആ കുട്ടികളെ കുറിച്ച് പറഞ്ഞിട്ടും ,അവനെയൊക്കെ ജീവിക്കാൻ വിട്ടിട്ടുള്ള തെളിവുകൾ എനിക്ക് വേണ്ട…

ദൈവം ഒരിക്കലും പൊറുക്കില്ല..

അവനെയൊക്കെ മേലോട്ടേക്ക് അയച്ചതിന് പകരമായി , ഈശ്വരൻ തന്നെ നമ്മുടെ മുന്നിൽ വേറൊരു വഴിയും തുറന്ന് തരും….”

എന്താണ് മറുപടി പറയേണ്ടതെന്നറിയാതെ അജിത്തും സേവിയറും കുഴങ്ങി… അവരുടെ മൗനം കണ്ടു കൊണ്ട് , ഡെറിക് മുകളിലേക്ക് കയറാൻ തുടങ്ങുമ്പോഴേക്കും ഗീത താഴേക്ക് ഓടിയെത്തി….

“ഡെറിക്… എന്ത് പറ്റി….?

എന്താണ് വെടിയുടെ ശബ്ദം കേട്ടത് ? ”

“അത് ഞാൻ കുറച്ചു ചെന്നായകളെ വെടി വെച്ചതാ….”

“ചെന്നായകളോ…ഇവിടെയോ..?