ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

“ഇത് കണ്ടോ….നിങ്ങളുടെ പ്രായത്തിലുള്ള ഈ ചേട്ടായിയുടെ അനിയത്തിക്കുട്ടികളാണ്…”

അത് കണ്ടപ്പോൾ , കുട്ടികൾ കുറച്ചു നേരം ആ ഫോട്ടോയിൽ തന്നെ നോക്കി…

പിന്നീട് , അതിൽ നിന്നും കണ്ണുകളെടുത്ത് ഡെറിക്കിന്റെ മുഖത്തേക്ക് തന്നെ കണ്ണടയ്ക്കാതെ നോക്കി നിന്നു..എന്നിട്ടും അവരുടെ ഭയം മാറിയില്ലെന്ന് മനസ്സിലായ ഡെറിക് അവരുടെ അടുത്ത് പോയി ഇരുന്നു….

“എന്റെ അനിയത്തിക്കുട്ടികൾ പറ…

നിങ്ങൾക്കെന്താണ് പറ്റിയത്…

ആരാണ് നിങ്ങളെ ഉപദ്രവിച്ചത്….? ”

“ഞങ്ങടെ ചേട്ടായി ആണോ ഇത് ? ”

“അതേ… നിങ്ങളുടെ സ്വന്തം ചേട്ടായി തന്നെ…”

അത് കേട്ടപ്പോൾ അവർ രണ്ട് പേരും അവനെ കെട്ടിപ്പിടിച്ചും കൊണ്ട് പൊട്ടിക്കരഞ്ഞു….

“എന്താ മക്കളേ ഇങ്ങനെ കരയുന്നേ…?