കൃഷ്ണവേണി – അവസാന ഭാഗം [രാഗേന്ദു] 2304

“അങ്കിൾ അവനെ വീട്ടിലേക്ക് കൂട്ടിക്കോളൂ.. ആന്റിക്കും അതാണ് മനസിൽ എന്ന് എനിക്ക് അറിയാം.. സ്വന്തം മകൻ ആണ് ഈ അവസ്ഥയിൽ.. അമ്മ അല്ലാതെ വേറെ ആർക്കും അവനെ നോക്കാൻ സാധിക്കില്ല.. ഇനി വല്ല സർക്കാർ വക ഏതെങ്കിലും സെന്ററിൽ ആകിയാലും ഒരു അമ്മയുടെ സ്നേഹം അവനു കിട്ടില്ലല്ലോ.. അതോർത്ത് ആ അമ്മയുടെ മനസ് മകന് വേണ്ടി നീറും.. അവൻ ഇനി കൃഷ്ണയെ ഒന്നും ചെയ്യാൻ പോകുന്നില്ല.. അവൻ തെറ്റ് മനസിലാക്കിട്ടുണ്ടാവും.. നമ്മുക്ക് നാളെ അവനെ പോയി കാണാം..”

ഞങ്ങൾ അടുത്ത ദിവസം തന്നെ അവനെ കാണാൻ ജയിലിൽ പോയി.. വീൽ ചെയറിൽ ഇരുന്ന് വരുന്നവനെ ഞാൻ ഒന്ന് നോക്കി.. അവൻ എന്നെ കണ്ടതും കണ്ണുകളിൽ പേടി നിറഞ്ഞു..പക്ഷേ അവൻ പുറത്തു കാണിച്ചില്ല..കൃഷ്ണയെ കൊണ്ടാണ് ഞങ്ങൾ പോയത്.

അവൻ ഞങ്ങളോട് ക്ഷമ പറഞ്ഞു..അവൻ തെറ്റ് മനസിലാക്കി എന്ന് എനിക്ക് ബോധ്യം വന്നത് കൊണ്ടാണ് ഞാൻ ഈ തീരുമാനം എടുത്തത്.. കൃഷ്ണക്കും സമ്മതം ആവും എന്ന് എനിക്ക് തോന്നി..

അവൻ അവളോട് ക്ഷമ ചോദിച്ചപോൾ അവൾക്ക് ഹരിയോട് ക്ഷമിക്കാൻ ആവില്ല എന്ന് അവന്റെ മുഖത്തു നോക്കി പറഞ്ഞു.. ശരിയാണ് ഒരു പെണ്ണിനും അവനെ പോലെ ഒരുത്തനോട് ക്ഷമിക്കാൻ ആവില്ല..

അവൾ അവളുടെ അച്ഛനോട് അവനെ വീട്ടിൽ തമാസിപ്പിച്ചോളാണ് പറഞ്ഞു.. പക്ഷെ അവൾ അവിടെ നിക്കില്ല എന്നായിരുന്നു മറുപടി.. സോ ഞാൻ അവളോട് തറവാട്ടിൽ നിൽക്കാൻ പറഞ്ഞു.. അവൾ സമ്മതം പറഞ്ഞു..

ദൂരത്തിൽ ആണെങ്കിലും ഞങ്ങളുടെ പ്രണയത്തെ അത് ബാധിച്ചില്ല.. എന്നും ഫോണ് കോൾസ് ഇല്ല മെസ്സേജ് ഇല്ല.. പക്ഷെ ലീവിന് വരുമ്പോൾ ഞാനും അവളും മാത്രം ആയി ഒരു ലോകം ആയിരുന്നു.. അവിടെ മറ്റാർക്കും പ്രവേശനം ഇല്ലായിരുന്നു.. അവൾ ലീവിന് വരുമ്പോൾ ഞങ്ങൾ എവിടെങ്കിലും ട്രിപ്പിന് പോകും.. ഇല്ലെങ്കിൽ തറവാട്ടിൽ തന്നെ ഞങ്ങൾ സ്പെൻറ് ചെയ്യും.. അവൾക്ക് ട്രിപ്പിനെകാൽ തറവാട്ടിൽ എല്ലാവരോടൊപ്പം നിൽക്കാൻ ആയിരുന്നു ഇഷ്ടം..

****