ഇവാ, An Angelic Beauty Part 5 [മാലാഖയുടെ കാമുകൻ] 1889

ഇവാ, An Angelic Beauty

Author: മാലാഖയുടെ കാമുകൻ

Previous Part

 

ഹോല അമീഗൊസ്‌.. നെക്സ്റ്റ് പാർട്ട് കൊണ്ട് അവസാനിപ്പിക്കും കേട്ടോ.. സ്നേഹത്തോടെ… ❤️

 

“വാട്ട് ദി ഹെൽ..?”

ഇവാ സ്വയം ചോദിച്ചു..

അവൾക്ക് അപ്പോഴും എരിവ് സഹിക്കാൻ ആവുന്നില്ലായിരുന്നു.. നാക്ക് എല്ലാം പൊള്ളിയതുപോലെ..

അവൾ ഐസ്ക്രീം എടുത്തു വായിൽ വച്ചപ്പോൾ അല്പം ആശ്വാസം കിട്ടി.. അങ്ങനെ ഇരുന്നു.. കുറെ നേരം.. ഐസ് ക്രീം കഴിച്ചതുകൊണ്ടു എരിവിന് ശമനം വന്നു..

അവൾ കാർ മെല്ലെ എടുത്തു വീട്ടിലേക്ക് വിട്ടു.. പതുക്കെ ആണ് ഓടിച്ചത്..

വീട്ടിൽ എത്തി അവൾ ഒന്ന് കുളിച്ചു. അല്പം നെയ്യെടുത്ത് കഴിച്ചു..

അവൾ കണ്ണാടിയിൽ നോക്കി.. ചുവന്ന കണ്ണുകൾ.. തിണിർത്ത കവിളുകൾ.. അവൾക്ക് പുഞ്ചിരിയാണ് വന്നത്.. ആഗ്രഹിച്ചത് എന്തും നേടിയിട്ടേ ഉള്ളു..

അവൻ വേറെയൊരു പെണ്ണിന്റെ ഒപ്പം.. ആലോചിക്കാൻ പോലും വയ്യ.. പാടില്ല.. അവനെ എനിക്ക് വേണം..

അവൾ വേഷം മാറി. ഒരു ഷോർട്സും അയഞ്ഞ ബനിയനും ഇട്ടു പുറത്തേക്ക് ചെന്നു.. ഡാനി എവിടേക്കോ പോകാൻ വേണ്ടി നിൽക്കുന്നു..

“ഡാനി..? കം.. ഒരു സ്ഥലം വരെ പോകണം..”

അവൾ അതും പറഞ്ഞു അവന്റെ ജീപ്പിൽ കയറി ഇരുന്നു..

അനിയത്തി പറഞ്ഞാൽ അവൻ ഒരിക്കലും എതിർക്കില്ല അതുകൊണ്ടു തന്നെ അവനും വന്നു വണ്ടിയിൽ കയറി..

“എവിടെക്കാ..?”

“തുണിക്കട.. “

അവൾ പറഞ്ഞതും അവൻ വണ്ടിവിട്ടു. അവരുടെ തന്നെ തുണിക്കടയിൽ ആണ് എത്തിയത്.. അവൾ നേരെ പോയി ഒരു പെൺകുട്ടിയോട് കാര്യം പറഞ്ഞു ഡാനിയെ വിളിച്ചു..

“ഇതെന്താ..?”

അവൻ വെളുത്ത തുണി കണ്ടു ചോദിച്ചു.

“ചട്ടയും മുണ്ടും…”

“ങേ..? അത് കൊള്ളാമല്ലോ.. കോട്ടയം പോയാൽ അമ്മച്ചിമാർ ഇട്ടു നടക്കുന്നത് കാണാറുണ്ട്.. സൂപ്പർ ആണ്…”

ഡാനി ആവേശത്തോടെ പറഞ്ഞപ്പോൾ ഇവാ ചിരിച്ചു..