കൃഷ്ണവേണി – അവസാന ഭാഗം [രാഗേന്ദു] 2304

അവൾ ഉപയോഗിച്ച മുറി..അവളുടെ ഗന്ധം.. അവൾ ആദ്യമായി ഇവിടെ വന്നു കയറിയ ആ ദിവസം എന്റെ മനസിൽ ഓടി എത്തി.. അവളെ ആദ്യമായി തൊട്ട നിമിഷം.. ആംബുലൻസിൽ നിന്നും അവളെ കോരി എടുത്തത് ഓർത്തപ്പോൾ എന്റെ ചുണ്ടിൽ അറിയാതെ ഒരു പുഞ്ചിരി വിടർന്നു..

ഷർട്ട് ഊരി പാന്റിന്റെ പോക്കറ്റിൽ നോക്കിയപ്പോൾ അവൾ തന്നു പോയ ബോക്സ് കയ്യിൽ തടഞ്ഞു.. നെഞ്ചോന്ന് പാളി..ബെഡിൽ ഇരുന്ന് അത് കയ്യിൽ എടുത്തു തുറന്നു നോക്കി.. അത് അവളുടെ കഴുത്തിൽ കെട്ടി കൊടുത്ത ആ നിമിഷം എനിക്ക് ഓർമ വന്നു..

“നിന്റെ ഭാവിക്ക് ഈ താലിയും ഞാനും എന്നുമൊരു തടസം ആയിരുന്നു കൃഷ്ണ.. ഇതിനെകാൽ ഒക്കെ വലുത് എനിക്ക് നിന്റെ ഭാവി തന്നെ ആണ്.. നിന്നെ ഉയരങ്ങളിൽ കാണൻ ആണ് എനിക്ക് ഇഷ്ടം അതിൽ ഞാൻ എന്ന തടസം ഉണ്ടാവാൻ പാടില്ല.. പലപോഴും എന്റെ മനസ് കൈ വിട്ടു പോകുമോ എന്ന് ഭയന്നിരുന്നു.. അതുകൊണ്ട് ആണ് നിന്നോട് അകൽച്ച കാട്ടിയത്..

നിന്റെ ലക്ഷ്യം മറന്ന് നി പെരുമാറിയപ്പോൾ നിന്നൊട് ദേഷ്യം തോന്നി എങ്കിലും എനിക്ക് എന്നോട് തന്നെ ദേഷ്യം തോന്നി… മുത്തശ്ശൻ പറഞ്ഞ വാക്കുകൾ ഓർമ വന്നു.. ഞാൻ കാരണം നിന്റെ ഭാവി നശിക്കുമെന്ന്.. അത് ഒരിക്കലും ഉണ്ടാവരുതെന്ന് കരുതി..ബിക്കോസ് ഐ കേയർഡ് ഫോർ യു..നിനക്ക് വേണ്ടി ഓരോന്ന് ചെയ്തത് അതൊരു കടമ ആയിട്ട് അല്ല ഇഷ്ടത്തോടെ ആണ്..നല്ലൊരു ലൈഫ് നിനക്ക് കിട്ടട്ടെ അതാണ് എന്റെ ആഗ്രഹവും സന്തോഷവും..”

ഞാൻ മൊബൈൽ എടുത്ത് ഗാലറിയിൽ അവളുടെ ഫോട്ടോ നോക്കി പറഞ്ഞു.. അവളുടെ ചിരിച്ചു നിൽക്കുന്ന മുഖം ആ കണ്ണുകൾ അതിൽ നോക്കുമ്പോൾ ഈ ലോകം തന്നെ മറന്നു പോകുന്ന പോലെ തോന്നി..