കൃഷ്ണവേണി – അവസാന ഭാഗം [രാഗേന്ദു] 2305

അവളുടെ മുൻപിൽ എനിക്ക് നിൽക്കാൻ താല്പര്യം ഇല്ലായിരുന്നു.. ഞാൻ മുറിയിൽ കയറി.. ആ വാതിൽ ശക്തമായി അടച്ചു.. റൂമിൽ ഉള്ള ജനാലയുടെ ചില്ല് വരെ കുലുങ്ങി..

നേരെ ബാത്‌റൂമിൽ കയറി ഇട്ട ഡ്രെസ്സൊടെ ഞാൻ ഷാവറിന്റെ ചുവട്ടിൽ നിന്നു..

കുറെ നേരം അങ്ങനെ നിന്നു മനസൊന്നു ശാന്തം ആക്കി.. ഞാൻ ഇന്ന് ചെയ്തുകൂട്ടിയത് ഓരോന്ന് ഓർത്തു.. ഒന്ന് പാളിയാൽ ഞാൻ മാത്രമല്ല എന്റെ കൂടെ ഉണ്ടായിരുന്നു മിഷേലും ആ റോഡിൽ ഉള്ള ആളുകൾക്കും ആപത്ത് ഉണ്ടായാനെ..

പക്ഷെ കൃഷ്ണ എനിക്ക് തന്ന മറുപടി.. അറിയില്ല സങ്കടം വന്ന് നിറയുകയായിരുന്നു.. എത്ര ഒക്കെ മനസിനെ ശാന്തമാക്കാൻ ശ്രമിച്ചിട്ടും എനിക്ക് ആയില്ല..

അവൾ എന്ത് തീരുമാനം എടുത്താലും ഹാപ്പി ആവും എന്ന് എല്ലാവരോടും പറഞ്ഞു നടന്ന ഞാൻ ഇങ്ങനെ ഉള്ള് നീറും എന്ന് കരുതിയില്ല..

പക്ഷെ എനിക്ക് എന്ത് യോഗ്യത ആണ് ഉള്ളത് ഇങ്ങനെ സങ്കടപെടാൻ..മിഷേൽ പറഞ്ഞത് പോലെ അവളോട് ഞാൻ സ്നേഹം ഭാവിചട്ടുണ്ടോ.??. ഇല്ല..

അവളെ അവഗണിച്ചിട്ടല്ലേ ഉള്ളു.. അവൾ ഓരോ തവണ അടുത്തു വന്നപ്പോൾ അകറ്റി മാറ്റി നിർത്തിയെട്ടുള്ളൂ… അപ്പൊ എനിക്ക് എന്ത് യോഗ്യതയാണ് ഉള്ളത് അവളുടെ സ്നേഹം കിട്ടാൻ..ലെറ്റ് ഹെർ ഗോ..

ഞാൻ ഒന്ന് ശ്വാസം ആഞ്ഞു വലിച്ചു.. പുറത്തു വന്നപ്പോൾ വാതൽ ശക്തമായി മുട്ടുന്നതാണ് കേട്ടത്.. കൂടെ കരയുന്ന ശബ്ദവും.. അവൾ അവിടെ സോറി പറഞ്ഞു അലറുന്നു..

ഞാൻ നനഞ്ഞ ഡ്രെസ്സൊടെ വാതിൽ തുറന്നപ്പോൾ പെട്ടന്ന് അവൾ അലറുന്നത് നിർത്തി.. എന്റെ കോലം കണ്ടവൾ നോക്കി നിന്നു.. ശേഷം വന്ന് കെട്ടിപിടിച്ചു..

“ആം സോറി ആഷ്.. ഞാൻ അപ്പോൾത്തെ ദേഷ്യത്തിൽ എന്തൊക്കെയോ പറഞ്ഞു.. ആം സോറി.. റീയലി സോറി..”

അവൾ മുറുകെ കെട്ടിപിടിച്ചു കരഞ്ഞോണ്ട് പറഞ്ഞപ്പോൾ എന്റെ കണ്ണുകൾ നിറഞ്ഞൊഴുകി..