കൃഷ്ണവേണി – അവസാന ഭാഗം [രാഗേന്ദു] 2304

“കൃഷ്ണ നിന്നെ കാണാൻ കുറച്ചു പേര് അവിടെ നിൽക്കുന്നുണ്ട്..”

എന്നുപറഞ്ഞു അവർ നിൽക്കുന്ന വശത്തേക്ക് നോക്കി..അവളും അവിടേക്ക് കണ്ണ് പായിച്ചു..

“മുത്തശ്ശൻ..”

അതുപറഞ്ഞ് അവൾ ബാഗ് അവിടെ നിലത്തിട്ട് അവിടേക്ക് വേഗത്തിൽ ഓടി.. സന്തോഷം കൊണ്ട് എല്ലാവരുടെയും കണ്ണുകൾ നിറഞ്ഞിരുന്നു..അവൾ മുത്തശ്ശന്റെ കാലിൽ വീണ് അനുഗ്രഹം മേടിച്ചു..കൂടെ അച്ഛന്റെയും അമ്മയുടെയും..

“മോളെ.. ഒത്തിരി സന്തോഷം തോന്നുന്നു നിന്നെ ഈ നിലയിൽ കാണുമ്പോൾ.. സച്ച പ്രൗഡ് മൊമെന്റ്”

അതുപറഞ്ഞുകൊണ്ട് മുത്തശ്ശൻ അവളുടെ നെറ്റിയിൽ ഉമ്മ വച്ചു..

അവൾ ഒന്ന് ചിരിച്ചു..

“മുത്തശ്ശി..??”

“അവൾക്ക് യാത്ര ചെയ്യാൻ ബുദ്ധിമുട്ട് ഉണ്ട് .. അവളുടെ എല്ലാം പ്രാർത്ഥനയും നിന്റെ കൂടെ ഉണ്ടാവും എന്ന് പ്രിത്യേകം പറഞ്ഞിട്ടുണ്ട്..”

“മ്മ്മ്.. സമയം ആയി ഞാൻ പോട്ടെ.. അച്ഛാ അമ്മേ പോയിട്ട് വരാംട്ടോ..”

അവർ മൂന്നു പേരോടും അവൾ യാത്ര പറഞ്ഞു..

ഞാൻ അതു നോക്കി അവിടെ മാറി നിന്നു..

അവളുടെ അച്ഛനും അമ്മയും എന്നെ കണ്ട് ചിരിച്ചു ഞാൻ തിരിച്ചും.. മുത്തശ്ശൻ എന്നെ നോക്കി നിൽപ്പാണ്.. മുഖത്ത് എന്ത് ഭാവം എന്ന് എനിക്ക് മനസ്സിലായില്ല.. മുത്തശ്ശനെയും എന്റെയും കണ്ണുകൾ ഉടക്കി രണ്ടു പേരും പരസ്പരം കുറച്ചു നേരം മുഖത്തോട് മുഖം നോക്കി നിന്നു..

“എന്ന പോട്ടെ.. ”

അവളുടെ ശബ്ദം ആണ് എന്നെ ഉണർത്തിയത്..

“ആഹ്.. ബി ഹാപ്പി ആൻഡ് റീച് സേഫ് കൃഷ്ണ.. അവിടെ ട്രെയിനിങ് ഒക്കെ ബുദ്ധിമുട്ട് ഉണ്ടാവും.. ഗിവ് അപ്പ് ചെയ്യാൻ തോന്നും..ബട്ട് ഡോണ്ട്.. നിന്റെ സ്വപ്നം ആണ് ഇത്.. അതിൽ വിട്ടുവീഴ്ച ചെയ്യരുത്..”

ഞാൻ പറഞ്ഞപ്പോൾ അവൾ എന്നെ നോക്കി പുഞ്ചിരിച്ചു..