കൃഷ്ണവേണി – അവസാന ഭാഗം [രാഗേന്ദു] 2305

“അത് അവൾ സ്നേഹം കാണിച്ചപ്പോൾ ഞാൻ എന്നും അകറ്റി നിർത്തിയെട്ടുള്ളൂ..അത് അവളോട് ഇഷ്ടകേട് ഒന്നും ഉണ്ടായിട്ടല്ല .. മനസ് കല്ല് ആക്കിയ അവളോട് പെരുമാറിയത്.. അവളുടെ ഭാവി അതായിരുന്നു എനിക്ക് പ്രധാനം അത് മാത്രമേ ഉണ്ടായിരുന്നുള്ളു എന്റെ മനസിൽ..ഇന്ന് അവൾ പോവാൻ നേരത്ത് എന്നോട് ഒരു നല്ല പെണ്കുട്ടിയെ കിട്ടട്ടെ എന്ന് പറഞ്ഞു.. അവളും വേറെ ആരെങ്കിലും നോക്കും എന്നും.അത് കേട്ടപ്പോൾ തൊട്ട് എന്തോ..”

അത് കേട്ട് മിഷേൽ എന്റെ അടുത്തു വന്നു..

“അത് കേട്ട് എന്ത്. നല്ല കാര്യം അല്ലെ .അവൾ പറഞ്ഞത് പോലെ നിന്റെ കൻസെപ്റ്റിനൊത്ത് ഒരു പെണ്കുട്ടിയെ കിട്ടട്ടെ..”

അവൾ അത് പറഞ്ഞപ്പോൾ ഞാൻ ഒന്നും മൂളുക മാത്രമേ ചെയ്തുള്ളൂ..

” എന്തോന്ന് കും..ഇപ്പൊ എന്താ നിന്റെ പ്രശ്നം?. നി അല്ലെ അവൾ ഒരു സ്റ്റുഡന്റ് മാത്രം ആണെന്ന് പറഞ്ഞു നടന്നത്.. ഇപ്പൊ എന്താ ഒരു മാറ്റം..”

“അത് അവൾ പോയപ്പോൾ എന്തോ അവളെ വല്ലാതെ മിസ് ചെയ്യുന്നു..”

“കുന്തം.. മിസ് ചെയ്യുന്നു പോലും..എന്നെ കൊണ്ടൊന്നും പറയിപ്പിക്കല്ലേ ആഷ്.. ഇഷ്ടമുണ്ടായിരുന്നെകിൽ അവളോട് വാ തുറന്ന് പറയണം ആയിരുന്നു.. ഇത് അവൾ പോയി കഴിഞ്ഞിരുന്ന് മോങ്ങുന്നു..”

“അതെ ആം നോട്ട് ഡിനൈയിങ്.. അവളുടെ പോക്ക് കണ്ടപ്പോൾ ഞാൻ ആകെ ഭയന്നു.. അവൾ ഓരോ പ്രാവിശ്യം എന്നോട് അടുക്കുമ്പോൾ സന്തോഷം തോന്നിയിരുന്നു.. പക്ഷെ അത് അവളുടെ ഭാവി മറന്നാണ് എന്ന് കണ്ടപ്പോൾ എനിക്ക് എന്ത് ചെയ്യണം എന്നറിയാതെ ആയി..

ഞാൻ അവളോട് ചെയ്തതിനു പ്രായശ്ചിത്തം ചെയുന്ന പോലെയാണ് അപ്പൊ എനിക്ക് തോന്നിയത്.. അങ്ങനെ ഉള്ള സ്നേഹം അത് അല്ല എനിക്ക് വേണ്ടിയിരുന്നത്..