കൃഷ്ണവേണി – അവസാന ഭാഗം [രാഗേന്ദു] 2304

ഞാൻ അവളെ ന്യൂ യോർക്കിലേക്ക് കൂട്ടി വന്നപ്പോൾ അവനും ഫ്ലൈറ്റ് കയറി ഇങ് പൊന്നു.. ഇടക്ക് എനിക്ക് സംശയം തോന്നി എങ്കിലും അവൻ പറയട്ടെ എന്നു കരുതി..

ഒരു ദിവസം അവൻ മിഷേൽനെ പ്രൊപോസ് ചെയ്തപ്പോൾ അവൾക്ക് ആദ്യം എതിർപ്പ് ആയിരുന്നു.. പിന്നെ പിന്നെ അവൾക്കും ഇഷ്ടമാവാൻ തുടങ്ങി അവന്റെ സ്വഭാവം ഒക്കെ കണ്ട്.. അവരുടെ കല്യാണം കഴിഞ്ഞ 5 വർഷം കഴിഞ്ഞു..

“നി എന്താ എന്നെ ആദ്യമായ് കാണുന്ന പോലെ നോക്കുന്നത്.. സൗന്ദര്യം ആസ്വദിക്കുക ആണോ..”

അവൻ അത് പറഞ്ഞു കളിയാക്കിയപ്പോൾ ഞാൻ ഒന്ന് ചിരിച്ചു..

“നിന്റെയും മിഷേലിന്റെയും കല്യാണം നടന്നത് ആലോചിച്ചതാണ്..”

ഞാൻ അത് പറഞ്ഞു ചിരിച്ചു..

“ദുരന്തങ്ങൾ ഒക്കെ ഒരു പ്രവിശ്യമേ ഓർക്കാൻ പാടു എന്നറിയില്ലേ..”

“ദേ ഡി നിന്റെ കെട്ടിയോൻ നിന്നെ ദുരന്തം എന്ന്.. ”

ഞാൻ അത് പറഞ്ഞു അവനെ നോക്കി ഇളിച്ചു..

“ദേ മനുഷ്യ വാട്ട വച്ചിട്ടുണ്ട്..”

“ഹോ സമാധാനം ആയി അല്ലെടാ മഹാപാപ്പി.. ”

“ഏറെക്കുറെ.. അല്ലെ മോളെ..”

ഞാൻ അതുപറഞ്ഞു ഇസയെ നോക്കി അവൾ അതേ എന്ന് തലയാട്ടി….

” അവളുടെ ഡാഡി ഉണ്ടെങ്കിൽ പോലും അവൾക്ക് ഞാൻ മതി..ചെറുപ്പം മുതൽ അവൾ അപ്പേ എന്ന് വിളിച്ചാണ് ശീലിച്ചത്.. പിന്നെ മാറ്റാൻ പോയില്ല.. അവൾ വിളിക്കുന്നത് കേട്ട് ഞാൻ ആണ് അവളുടെ ഡാഡി എന്ന് എല്ലാവരും വിചാരിക്കും ”

ഞാൻ കൃഷ്ണയോട് പറഞ്ഞു.. അവൾ ഇസയെ എന്റെ കയ്യിൽ നിന്ന് വാങ്ങി.. ഉമ്മ വച്ചു..

“സുഖം അല്ലെ കൃഷ്ണ..”

ജോണ് അവളോട് ചോദിച്ചപ്പോൾ അവൾ അതേ എന്ന് തലയാട്ടി..

അവൾ വേഗം ഡ്രെസ് മാറാൻ അകത്തേക്ക് കയറി.. എന്നെ മിഷേൽ അവിടെ പിടിച്ചു നിർത്തി..