കൃഷ്ണവേണി – അവസാന ഭാഗം [രാഗേന്ദു] 2303

എനിക്ക് വേറെ ആളെ ഇഷ്ടമാണ്.. ഞാൻ വേറെ ജീവിതം തിരഞ്ഞെടുത്ത കാരണം ആണ് സർ തിരിച്ചു പോയത് എന്ന് അറിഞ്ഞപ്പോൾ എനിക്ക് എന്നോട് തന്നെ ദേഷ്യം തോന്നി.. ഇനി സാറിന്റെ ജീവിതത്തിൽ ഞാൻ ഇല്ല എന്ന് കേട്ടപ്പോൾ ചത്തു പോയാലോ എന്ന് വരെ തോന്നി..

എന്റെ വിഷമവും സങ്കടവും കണ്ട് എന്നെ മാം സഹായിക്കാം എന്ന് പറഞ്ഞു.. പക്ഷെ സ്വീകരിക്കും എന്ന് ഉറപ്പ് ഇല്ല എന്നായിരുന്നു മാമിന്റെ മറുപടി..

എനിക്ക് കണ്ടാൽ മാത്രം മതി.. വേറെ ഒരു ശല്യമായി ഞാൻ വരില്ല എന്ന് പറഞ്ഞപ്പോൾ മാം സമ്മതിച്ചു..

അങ്ങനെ ലീവിന് ആഷ്‌ലി സർനെ കാണാൻ ഞാൻ ന്യൂയോർക്കിലേക്ക് ചെന്നു.. മിഷേൽ മാം ആയിരുന്നു എന്നെ സഹായിച്ചത്… മുറി എടുക്കാനും…അദ്ദേഹത്തെ എനിക്ക് കാണാൻ വേണ്ടി ഓരോ സ്ഥലങ്ങളിൽ മാം കൊണ്ടുവരുമായിരുന്നു.. ഞാൻ സർന് വേണ്ടി വാങ്ങിക്കുന്ന ഷർട്ടുകൾ, പെർഫ്യൂം, ഷൂസ്, വാച്ച്.. ഒക്കെ മിഷേൽ മാമിന്റെ കയ്യിൽ കൊടുത്തു വിടുമായിരുന്നു..

നാട്ടിൽ പോലും ഞാൻ പോവതെ ആയി.. ലീവ് കിട്ടിയാൽ ഞാൻ പോകുന്നത് എന്റെ സർനെ കാണാൻ ആയിരുന്നു..

ലിനുവിനെ പോലും ഞാൻ വിളിക്കാതെ ആയി..അവൻ കല്യാണം പറയാൻ വിളിച്ചപ്പോൾ ഞാൻ ന്യൂയോർക്കിൽ ആയിരുന്നു..

ലിനുവിനെ തിരിച്ചു വിളിച്ചപോൾ ആണ് കാര്യം അറിഞ്ഞത്.. ഒരുപാട് സന്തോഷം തോന്നി അവന്റെ കാര്യത്തിൽ.. രേവതിയെ പോലെ ഒരു കുട്ടി എന്നും അവന്റെ ഭാഗ്യം ആണ്..

അപ്പോഴാണ് മിഷേൽ മാം എന്നെ വിളിച്ചത് ഒരു പ്ലാൻ ഉണ്ടാക്കിയത്.. എന്നോട് എങ്ങനെങ്കിലും ആഷ്‌ലി സർനെ കണ്ട് കാര്യങ്ങൾ സംസാരിക്കണം എന്ന് മിഷേൽ മാം പറഞ്ഞിരുന്നു..

ഇവിടെ വന്നപ്പോൾ പരമാവധി ഞാൻ സംസാരിക്കാൻ ശ്രമിച്ചു.. പക്ഷെ ഒന്നും പ്രയോജനം ഉണ്ടായില്ല.. ഇനി ഉണ്ടാവില്ല.. കഴിഞ്ഞു എല്ലാം.. സർ തിരിച്ചു പോയി..