കൃഷ്ണവേണി – അവസാന ഭാഗം [രാഗേന്ദു] 2309

എയർപോർട്ടിലേക്ക് പോകുന്ന വഴി മനസ് ചത്തത് പോലെ ആയിരുന്നു.. ഇനി ഒരിക്കലും സർനെ കാണില്ല എന്ന് ഞാൻ തീരുമാനിച്ചു..

എയർ പോർട്ടിൽ എത്തി എല്ലാവരോടും യാത്ര പറഞ്ഞു അകത്തേക്ക് പോയപ്പോൾ ഒന്ന് പൊട്ടി കരയാൻ തോന്നി..

ഇങ്ങോട്ട് പ്രണയിച്ചില്ലെങ്കിലും ഞാൻ എന്നും നിങ്ങളെ മാത്രമേ പ്രണയിക്കുള്ളൂ എന്ന തീരുമാനം എടുത്തു.. ആ തീരുമാനം മാത്രം മതി എനിക്ക് ഈ ജീവിതം ജീവിച്ചു തീർക്കാൻ എന്ന് ഞാൻ മനസ്സിൽ ഉറപ്പിച്ചു..

പാസിംഗ് ഔട്ട് പരേഡിന് സർ വരുമെന്ന് ഞാൻ ഒരിക്കലും പ്രതീക്ഷിച്ചില്ല.. കണ്ടപ്പോൾ ഉള്ളിൽ ഒത്തിരി സന്തോഷം തോന്നി.. സാറിനോട് സംസാരിച്ചാൽ ചിലപ്പോൾ പഴയത് പോലെ എന്റെ സ്നേഹം പുറത്തു വരുമോ എന്ന് ഞാൻ ഭയന്നു.. അതുകൊണ്ടാണ് അദ്ദേഹത്തോട് മിണ്ടാതെ ഇരുന്നത്.

നാട്ടിൽ വന്ന് കോളേജിൽ വച്ച് വീണ്ടും കണ്ടപ്പോൾ മനസ് വല്ലാത്തൊരു അവസ്ഥയിൽ ആയിരുന്നു.. എന്റെ ഇഷ്ടം ഒരു പ്രാവിശ്യം കൂടി പറഞ്ഞാലോ എന്ന് ഞാൻ ചിന്തിച്ചു.. പക്ഷെ അദ്ദേഹത്തിന് എന്നും ഞാൻ ഒരു സ്റ്റുഡന്റ് മാത്രം ആയിരുന്നു..

വേണ്ട ഞാൻ പോയപ്പോൾ സന്തോഷം തോന്നി കാണും.. ഇനി ഇതു പറഞ്ഞാൽ വീണ്ടും ശല്യം ആവും.. എന്നു എനിക്ക് തോന്നി.. അതുകൊണ്ടാണ് ഞാൻ അങ്ങനെ പറഞ്ഞത്.. പക്ഷെ ഞാൻ പറഞ്ഞത് അദ്ദേഹത്തെ തന്നെ ആയിരുന്നു..

അടുത്ത ലീവിന് വന്നപ്പോൾ സർ തിരിച്ചു അമേരിക്കയിലേക്ക് പോയി എന്ന് ലിനു പറഞ്ഞു.. സർ അറിയാതെ ഒരു നോക്ക് കാണാൻ ആണ് നാട്ടിലേക്ക് വന്നത്.. അദേഹത്തെ കാണാതെ എനിക്ക് ജീവികാൻ സാധിക്കില്ല എന്ന് എനിക്ക് തോന്നി.. സർ പോയി എന്ന് കേട്ടപ്പോൾ എന്ത് ചെയ്യണം എന്ന് അറിയാതെ ആയി..

ലീവ് കഴിഞ്ഞു തിരിച്ചു പോകുന്നതിന്റെ തലേ ദിവസം മിഷേൽ മാം എന്നെ കാണണം എന്ന് ലിനുവിനോട് പറഞ്ഞത് അനുസരിച്ച് ഞാൻ മാമിനെ മീറ്റ് ചെയ്തു..

മാം പറഞ്ഞ കാര്യങ്ങൾ കേട്ട് എനിക്ക് എന്ത് പറയണം എന്നായി.. സാറിനും എന്നെ ഇഷ്ടമായിരുന്നു എന്ന് കേട്ടപ്പോൾ ഒരുപാട് സന്തോഷം തോന്നി എന്റെ ഭാവി സെറ്റൽ ആയിട്ട് സർ നേരിട്ട് പറയാൻ ഇരുന്നതാണെന്ന് മിഷേൽ മാം പറഞ്ഞപ്പോൾ ഞാൻ തറഞ്ഞു പോയി..