കൃഷ്ണവേണി – അവസാന ഭാഗം [രാഗേന്ദു] 2309

ഞങ്ങൾ പാർട്ടി നടക്കുന്ന സ്ഥലത്തു എത്തി.. കുറച്ചു ടീച്ചേഴ്സും കുട്ടികളും അവിടെ എത്തി ചേർന്നിട്ടുണ്ട്.. എല്ലാവരെയും കണ്ട് വിശേഷങ്ങൾ ചോദിച്ചു.. കുറച്ചു സമയം കഴിഞ്ഞപ്പോൾ അവിടേം ആകെ തിരക്ക് ആയി എല്ലാവരും വന്നത്തി. പക്ഷെ ഞാൻ പ്രതീക്ഷിച്ച ആ മുഖം ഇതു വരെ കണ്ടില്ല.. ചുറ്റും നോക്കി.

മിഷേൽ എന്റെ അടുത്തു വന്നു..

“നീ കുറെ നേരം ആയല്ലോ ചുറ്റും നോക്കുന്നത്.. ആരെ നോക്കുവാ..”

അവൾ അത് ചോദിച്ചപ്പോൾ ഞാൻ ഞെട്ടി അവളുടെ മുഖത്തേക്ക് നോക്കി..

“അത്.. അത് കല്യാണ പെണ്ണിനെ നോക്കിയതാ..”

“അഹ് .. വരും.. ”

“മ്മ്മ്.”

ഞാൻ ഒന്ന് മൂളി വാവയെ അവളുടെ കയ്യിൽ നിന്നും വാങ്ങി അവിടുന്ന് നടന്നു..

പെട്ടെന്ന് ആണ്..

“എല്ലാവരും ഒന്ന് ശ്രദ്ധിച്ചേ..

ക്ഷണം സ്വീകരിച്ചു ഇവിടെ എത്തിയ എല്ലാവർക്കും ഒത്തിരി നന്ദി.. കൂടുതൽ പറഞ്ഞു ഞാൻ ബോർ അടിപ്പിക്കുന്നില്ല..ഹിയർ ഐ ഇൻട്രോഡ്യുസ് മൈ ഗേൾ..”

ലിനു അത് പറഞ്ഞതും എല്ലാവരും നിശബ്ദമായി..

കണ്ടു ഒരു നീല സാരി ഉടുത്തു നാണത്തോടെ ചിരിച്ചുകൊണ്ട് വേദിയിലേക്ക് നടന്നു വരുന്ന കൃഷ്ണയെ അവളുടെ കൂടെ രേവതിയും ഉണ്ട്..

“നല്ല ചേർച്ച അല്ലെ..”

” ഇവർ തമ്മിൽ പണ്ടേ ചേർച്ചയ..ചേക്കേന്റെ ഭാഗ്യം ബെസ്റ്റ് ഫ്രണ്ടിനെ തന്നെ അല്ലെ കെട്ടുന്നത്..”

അടുത്തു കൂടി നിന്നവർ പറയുന്നത് കേട്ടപ്പോൾ ഞാനും ചിന്തിച്ചു ശരിയാണ് കൃഷ്ണയും ലിനുവും തമ്മിൽ നല്ല ചേർച്ച ആണ്..

സ്റ്റേജിൽ ഇരുവരും അവന്റെ ഒപ്പം നിന്നു. കൃഷ്ണ എല്ലാവരെയും നോക്കി ചിരിച്ചു ശേഷം രേവതിയുടെ കൈ അവന്റെ കയ്യിൽ വച്ചു കൊടുത്തപ്പോൾ എല്ലാവരും കൈ തട്ടി.. ഞാൻ ഇത് എന്താ ഇവിടെ സംഭവിച്ചത് എന്ന സ്ഥിതിയിൽ ആയിരുന്നു..