കൃഷ്ണവേണി – അവസാന ഭാഗം [രാഗേന്ദു] 2309

“ഹേയ് സർ.. മാം എങ്ങനെ ഉണ്ടായിരുന്നു ജർണി..”

“അഹ് ഫൈൻ.. നല്ല ക്ഷീണം..”

മിഷേൽ അവനോട് പറഞ്ഞപോൾ ഞാൻ ഒന്ന് അവനെ നോക്കി ചിരിക്കുക മാത്രമേ ചെയ്തുള്ളൂ..

ഞങ്ങൾ നേരെ ചെന്നത് അവന്റെ വീട്ടിലേക്ക് ആണ്.. ഞങ്ങൾക്ക് വേണ്ട എല്ലാം സൗകര്യങ്ങളും അവൻ അവിടെ ചെയ്തിരുന്നു.. മറ്റന്നാൾ കല്യാണം ആണ്.. അവന്റെ അച്ഛനും അമ്മയുടെ മുഖത്തു സന്തോഷം.. അച്ഛൻ ഓടി നടന്നു എല്ലാം ചെയ്യുന്നുണ്ട്.. ഞാനും അദ്ദേഹത്തെ ഹെൽപ്പ് ചെയ്യാൻ കൂടി.. നാളെ ഒരു ഗെറ്റ് റ്റു ഗെതഗർ പാർട്ടി പ്ലാൻ ചെയ്തിട്ടുണ്ട്.. അവന്റെ കൂടെ പഠിച്ചവരും കൂടെ ജോലി ചെയ്യുന്നവരും എല്ലാവരും കൂടെ ഒരു പാർട്ടി..

വാവ ഉറക്കം പിടിച്ചപ്പോൾ മിഷേലും അവളുടെ ഒപ്പം ഉറങ്ങി.. ഞാൻ രാത്രി ഏറെ വൈകി ആണ് വന്ന് കിടന്നത്.. ഉറക്കം വരുന്നില്ലയിരുന്നു..

മനസ് ആകെ അസ്വസ്ഥം ആയി.. പഴയ ഓർമകൾ മനസിലേക്ക് തികട്ടി വന്നുകൊണ്ടിരുന്നു..

ഞാൻ എണീറ്റ് ബൽകോണിയിലേക്ക് നടന്നു.. അവിടെ ആരും ഇല്ല.. ഞാൻ അവിടെ തറയിൽ കിടന്നു.. ആകാശത്ത്‌ നക്ഷത്രത്തിനു വല്ലാത്ത തിളക്കം.. അത് നോക്കി ഞാൻ കിടന്നു.. ഏറെ നേരം കഴിഞ്ഞ് എന്റെ കണ്ണുകൾ മെല്ലെ അടഞ്ഞു..

അടുത്ത ദിവസം വൈകുന്നേരത്തോടെ ആയിരുന്നു പാർട്ടി.. ഞാനും മിഷേലും വാവയും ഡ്രെസ് ചെയ്തു.. കാഷ്വൽ പാർട്ടി ആയത് കൊണ്ട് ഞാൻ ഒരു ബ്രൗൺ ഷർട്ടും വൈറ്റ് പാൻ്റും എടുത്ത് ഇട്ടു.. കൂടെ മാച്ച് ആയിട്ടുള്ള ഷൂസും..

മിഷേലിനെയും വാവയെയും കാണാൻ തന്നെ പ്രിത്യേക ഭംഗി ആയിരുന്നു.. ഒരു റെഡ് സാരി ആയിരുന്നു അവളുടെ വേഷം.. വാവ റെഡ് ഫ്രോകിലും.. എല്ലാവർക്കും ഇസയെ ഇഷ്ടമായി. അവളുടെ സംസാരം കുറുമ്പ് ഒക്കെ കണ്ട്..