കൃഷ്ണവേണി – അവസാന ഭാഗം [രാഗേന്ദു] 2309

“ഹേയ് വേണി.. പോവാം നമ്മുക്ക്..”

പെട്ടെന്നാണ് ലിനു അങ്ങോട്ടെക്ക് വന്നത്.. അവൻ വന്നപ്പോൾ അവളുടെ മുഖത്തെ സന്തോഷം കണ്ട് എനിക്ക് സംശയം തോന്നി ഇനി അവൻ ആണോ എന്ന്..

“സർ വരട്ടെ.. കുറച്ചു തിരക്കുണ്ട്..”

അതും പറഞ്ഞവൾ പോയപ്പോൾ ഞാൻ അവൾ പോകുന്നത് നോക്കി ഇരുന്നു..

അവർ രണ്ടു പേരും കൈ കോർത്ത് ക്യാന്റീനിന്റെ പുറത്തേക്ക് ഇറങ്ങി.. കൂടെ ഞാനും.. അവർ പോകുന്നത് നോക്കി വാതലിൽ ചാരി നിന്നു..

അവന്റെ ബൈക്കിന്റെ പുറകിൽ അവൾ അവനെ ഇറുകെ കെട്ടിപിടിച്ചു ഇരുന്നപ്പോൾ നെഞ്ചിൽ ആരോ കത്തി ഇറക്കുന്ന പോലെയാണ് തോന്നിയത്.. കണ്ണുകൾ നിറഞ്ഞു കാഴ്ച മങ്ങിയെങ്കിലും.. ഞാൻ അത് പുറത്തു വരാതെയിരിക്കാൻ ശ്രദ്ധിച്ചു..

അപ്പോഴാണ് മിഷേൽ എന്റെ അടുത്തേക്ക് ഓടി വന്നത്..

“എന്തായി.. അവൾ എന്തുപറഞ്ഞു?.. നി ഹാപ്പി അല്ലെ ആഷ്..?”

“മ്മ്മ് യെസ് അവൾ പറഞ്ഞു.. ഷി ഇസ് ഇൻ ലവ്.. ”

ഞാൻ അത് പറഞ്ഞപ്പോൾ മിഷേലിനു സന്തോഷം ആയി..

“വിത് സംബോഡി..ആൻഡ് ആം ഹാപ്പി ഫോർ ഹർ മിഷേൽ.. അവൾക്ക് ഇഷ്ടമുള്ള ജീവിതം അവൾ തിരഞ്ഞെടുത്തു..”

“വാട്ട്??..”

“യാ.. സോ ദാറ്റ് ചാപ്റ്റർ ഇസ് ക്ലോസ്‌ഡ് വണ്സ് അഗയിൻ..”

ഞാൻ ചിരിച്ചുകൊണ്ട് പറഞ്ഞപ്പോൾ അവൾ ഒന്നും മനസ്സിലാവാതെ നിന്നു..

“നി ക്ലാസിലേക്ക് പൊക്കോ.. എനിക്ക് ഒന്ന് പുറത്തു പോകണം.. ”

ഞാൻ പതിയെ പാർക്കിങ്ങിലേക്ക് നടന്നു..

****

അവൻ ബൈക്ക് സ്റ്റാർട്ട് ചെയ്ത് ഒരു ദേഷ്യത്തോടെ അക്സിലേറ്റർ പിടിച്ചു തിരിച്ചപ്പോൾ മിഷേലിന് മനസിലായി അവനെ തനിയെ വിട്ടാൽ ശരിയാവില്ല എന്ന്.. അവൾ ഓടി ചെന്ന് അവന്റെ പുറകിൽ കയറി ഇരുന്നു..അവൻ അതൊന്നും ശ്രദ്ധിക്കാതെ വണ്ടി മുൻപോട്ട് പായിച്ചപ്പോൾ വീഴാതെ ഇരിക്കാൻ അവൾ അവനെ മുറുകെ കെട്ടിപിടിച്ചു..തിരക്കിട്ട റോഡിലൂടെ അവൻ വണ്ടി വെടിച്ചില്ല് പോലെ പായിച്ചു.. മിഷേലിന് പേടി തോന്നി..

“ആഷ് പ്ലീസ് സ്റ്റോപ്..”

അവൾ അവനോട് സ്പീഡ് കുറക്കാൻ അലറി.. പക്ഷെ അവൻ ഇതൊന്നും ശ്രദ്ധിക്കാതെ വീണ്ടും സ്പീഡ് കൂട്ടി.

അവൾ മുഖം അവന്റെ പുറത്തു ചായ്ച്ചു കണ്ണുകൾ അടച്ചിരിന്നു..അവൻ എന്ത് ഭാവിച്ചാണ് എന്ന് അവൾ ഓർത്തു..പക്ഷെ എന്ത് വന്നാലും തന്റെ കൂട്ടുകാരനെ ഈ സമയത്തു ഒറ്റയ്ക്ക് ആക്കില്ല എന്ന് ഉറപ്പിച്ചിരുന്നു അവൾ..

****