അപൂർവരാഗം 6( രാഗേന്ദു) 861

“യു ആർ ഫൈനിഷ്ഡ് മാൻ.. യു ആർ ഫിനിഷ്ഡ്..!!.”

അവളുടെ അലറി വിളി മനസിൽ തുളഞ്ഞുകയറിയപ്പോൾ ഞാൻ ഒന്ന് വിറച്ചു..പെട്ടെന്ന് കണ്ണുകൾ വലിച്ചു തുറന്ന്..

ദൈവമേ..ഇനി എന്തൊക്കെയാണാവോ എന്റെ ജീവിതത്തിൽ സംഭവിക്കാൻ പോകുന്നത്..

എല്ലാം കൂടി ഓർകവേ എന്റെ നെഞ്ചോന്ന് ആളി.. വല്ലാത്ത അസ്വസ്ഥത..

എഴുനേറ്റ് ഇരുന്ന് ചുറ്റും നോക്കി.. വിരലിൽ എണ്ണാവുന്ന കുറച്ചു പേര് ഇരുപ്പുണ്ട്… ഫോണ് എടുത്തു നോക്കിയപ്പോൾ കുറെ മിസ്ഡ് കോൾസ്.. ജാനറ്റും സെന്തിലും മാറി മാറി കുറെ വിളിച്ചിട്ടുണ്ട്.. സുകന്യയും.. അതിന്റെ ഇടയിൽ പ്രതീക്ഷിക്കാത്ത ഒരാളുടെ കോൾ കണ്ടപ്പോൾ എന്റെ നെറ്റി ചുളിഞ്ഞു..

ഫ്ലാറ്റിന്റെ ഗേറ്റ് കടന്നു വണ്ടി പാർക്ക് ചെയ്ത് ഞാൻ ലിഫ്‌റ്റിന്റെ അവിടേക്ക് ഓടി കയറി..

ആകെ നനഞ്ഞ് കുളിച്ചു..

സ്പെയർ കി ഉണ്ട്.. അവർ എത്താൻ ഇനി വൈകുന്നേരം ആവും..ഫ്ലോർ എത്തി ലിഫ്റ്റ് തുറന്നതും ഞാൻ പുറത്തേക്ക് ഇറങ്ങി..

ഡോറിന്റെ മുൻപിൽ എത്തിയതും സെന്തിൽ ഡോർ തുറന്നതും ഒന്നിച്ചായിരുന്നു..

ഇവൻ എന്ത ഇവിടെ എന്നാലോചിച്ചു ഞാൻ അവനോട് അത് ചോദിക്കാൻ അടുത്തേക്ക് ചെന്നതും.. അകത്തു നിന്ന് ഒന്ന് രണ്ട് പൊലീസ് യൂണിഫോമിട്ട ആളുകളേ കണ്ട് ഞാൻ ഒന്നും മനസ്സിലാവാതെ സെന്തിലിന്റെ മുഖത്തേക് നോക്കി..

സെന്തിൽ ഒന്നും മിണ്ടാതെ സൈഡിൽ നിപ്പുണ്ട്.. അകത്തു ജാനറ്റും.. അവൾ എന്നെ കണ്ടതും നിസഹായവസ്ഥയോടെ നോക്കുന്നുണ്ട്..