അപൂർവരാഗം 6( രാഗേന്ദു) 861

മാസങ്ങൾ കടന്നു പോയി..

“ടാ ഇന്ന് അല്ലെ നിന്റെ ജോയ്‌നിംഗ്..എല്ലാം സെറ്റ് അല്ലെ.. ഓൾ ദി ബെസ്റ്റ്..”

“താങ്ക്സ് ജനെറ്റ്..”

“ഓൾ ദി ബെസ്റ്റ് മച്ചാ..”

“താങ്ക്സ് ടാ..”

ആ സംഭവം കഴിഞ്ഞ് കുറെ സ്ഥലത്ത് ജോലിക്ക് ട്രൈ ചെയ്തു.. ഒന്നും ശരിയായില്ല..അവസാനം കിട്ടിയത് ഒരു ഡാറ്റ എന്ററി ഓപ്പറേറ്റർ ആയിട്ടാണ്..സാലറി കുറച്ചു കുറവ് ആണെങ്കിലും ബാക്കി എല്ലാം നല്ലത് ആയിരുന്നു. ഷിഫ്റ്റ് ആണ്..ക്യാബ് ഫാസിലിറ്റിയും ഉണ്ട്..പക്ഷെ അവിടെ നിന്ന് തന്നെ ഞാൻ വേറെ ബെറ്റർ ജോബിന് ട്രൈ ചെയ്തു..

ഒന്ന് പകച്ചെങ്കിലും എന്റെ കഴിവിന് അനുസരിച് ഒട്ടും മോശമല്ലാത്ത ഒരു കമ്പനിയിൽ തന്നെ ജോലി കിട്ടി.. ലീല ഗ്രൂപ്സ്.. ഇന്നാണ് ജോയ്‌നിംഗ്..

ഇതിന്റെ ഇടയിൽ വീട്ടിൽ പോയിരുന്നു..ഇനി തിരിച് ബാംഗ്ലൂർക്ക് ഇല്ല എന്ന് മനസ്സിൽ ഉറപ്പിച്ച് തന്നെ ആയിരുന്നു വരവ്.. പക്ഷെ വിനുവിനെ കണ്ട് കാര്യങ്ങൾ ഒക്കെ പറഞ്ഞപ്പോൾ അവന് അതിനോട് ഒട്ടും യോജീപ്പ് ഇല്ലായിരുന്നു..ഓഫീസിലെ കാര്യങ്ങൾ കേട്ട് അവന് ദേഷ്യം വന്നെങ്കിലും എന്റെ കൂടെ തന്നെ നിന്നു.. അവൻ ആണ് തിരിച് ബാംഗ്ലൂർക്ക് പോകണം എന്ന് നിർബന്ധം പിടിച്ചത്..

വീട്ടിൽ ജോലി പോയത് ഒന്നും ഞാൻ പറഞ്ഞില്ല.. നല്ലൊരു ജോബ് വേറെ ട്രൈ ചെയ്യുന്നുണ്ട് എന്ന് മാത്രം ഞാൻ സൂചിപ്പിച്ചു..അവരും കൂടുതൽ ഒന്നും എന്നോട് ചോദിച്ചില്ല.. അത് തന്നെ സമാധാനം..

“ടാ വന്ന് കഴിക്ക്.. നിനക്ക് ടൈം ആയില്ലേ..”