അപൂർവരാഗം 6( രാഗേന്ദു) 861

ഓരോന്ന് ആലോചിച്ചു ഇരുന്ന് കഴിച്ചപ്പോൾ ആണ് ഏതോ ഒരു കൈ എന്റെ പ്ളേറ്റിലേക്ക് നീളുന്നത് ഞാൻ കണ്ടത്..ജാനെറ്റ് ആണ്..

“ഡി പെണ്ണേ നിനക്ക് വേണേൽ നിന്റെ കാമുകനോട് പറഞ്ഞ് വേറെ ഓർഡർ ചെയ്..ഇങ്ങനെ കൈയിട്ട് വാരാൻ നാണമില്ലലോ..”

“നി പോടാ പട്ടി..”

അവൾ എന്നെ നോക്കി പുച്ഛിച്ചു.. ശേഷം എന്റെ പ്ലേറ്റിൽ നിന്ന് കുറച്ചെടുത് അവളുടെ പ്ളേറ്റിൽ ഇട്ട് കഴിക്കാൻ തുടങ്ങു..സെന്തിൽ ഇരുന്ന് ചിരിക്കുന്നുണ്ട്..ശവം..

“പട്ടി ദേ ഈ കിണിചോണ്ട് ഇരിക്കുന്ന നിന്റെ മറ്റവനാടി..”

അത് പറഞ്ഞതും പെണ്ണിന്റെ മുഖം വീർത്തു ചുണ്ടുകൾ കൂർത്തു..സെന്തിലിനെ നോക്കിയപ്പോൾ സ്വിച്ചിട്ട പോലെ ചിരി നിന്നു വായും പൊളിച്ചു ഇരിക്കുന്നുണ്ട്…അവൾക്ക് സെന്തിലിനെ എന്തെങ്കിലും പറഞ്ഞാൽ സഹിക്കില്ല..

“പോടാ..”

അവൾ എന്റെ കാലിനിട്ട് ഒരു ചവിട്ട് തന്നുകൊണ്ട് പറയുന്നത് കേട്ട് എനിക്ക് ചിരി വന്നു..

കളിയും തമാശയും പറഞ്ഞ് ഫുഡ് കഴിച്ച് ഞങ്ങൾ അവിടെ നിന്നും ഇറങ്ങി..

പിന്നെ ഞങ്ങൾ പോയത് ബീച്ചിലേക്ക് ആണ്.. നേരിയ ഇരുട്ട് വീണിരുന്നു.. അധികം ആളുകളില്ല..

ജാനെറ്റ് അവളുടെ ചെരുപ്പ് ഊരി ഞങ്ങളുടെ അടുത്ത വച്ച് നേരെ വെള്ളത്തിലേക്ക് ഓടി.. ഞാൻ ഒരു ചിരിയോടെ ആ മണലിൽ ഇരുന്നു കൂടെ സെന്തിലും ഒരു ചിരിയോടെ എന്റെ അടുത്ത് ഇരുന്നു ഫോണ് എടുത്ത് ക്യാമറാ ഓണ് ചെയ്ത് അവളെ ഫോട്ടോ എടുക്കുന്നുണ്ട്.. ഞാൻ ഒരു ചിരിയോടെ അവളെ നോക്കി..ശേഷം കടലിനയും.. നല്ല കാറ്റ്..