അപൂർവരാഗം 6( രാഗേന്ദു) 861

ആകെ ഒരു ശൂന്യത..ഇനി മുന്നോട്ട് എന്ത് എന്ന ചിന്ത എന്റെ മനസ്സിനെ വല്ലാതെ ഉലച്ചു..
പക്ഷെ എനിക്ക് തോറ്റ് കൊടുക്കാൻ ആവില്ല.. ഈ ബാംഗ്ലൂരിൽ അവളുടെ കമ്പനി മാത്രം അല്ലാലോ ഉള്ളത്.. വേറെ എവിടെങ്കിലും കിട്ടാതെ ഇരിക്കില്ല..

ഒരു സ്വസ്ഥത ഇല്ലല്ലോ ദൈവമേ..!!

ഞാൻ ശ്വാസം ഒന്ന് ആഞ്ഞു വലിച്ചു..വീട് ഓർമ വരുന്നു..വിളിച്ചിട്ട് കുറച് ആയി..ഞാൻ ഫോണ് എടുത്ത് നമ്പർ ഡയൽ ചെയ്തു.

കുറച്ചു നേരം അവരോട് സംസാരിച്ചതും മനസോന്ന് ശാന്തമായത് പോലെ.. ജോലി നഷ്ടപ്പെട്ട കാര്യം ഒന്നും പറഞ്ഞില്ല.. വേറുതെ എന്തിനാ അവരെ വിഷമിപ്പിക്കുന്നെ.. പിന്നെ കാരണം പറയേണ്ടി വരും.. ഇവിടെ നടന്നത് ഒക്കെ അറിഞ്ഞ..എന്നെ പോലീസ് പിടിച്ചു എന്നറിഞ്ഞ..കരച്ചിലും നിലവിളിയും തുടങ്ങും..ഹോ ആലോചിക്കാൻ വയ്യ..

ഓരോന്ന് ആലോചിച്ച് മനസ് വീണ്ടും അസ്വസ്ഥമായ പോലെ.. അവളുടെ വാക്കുകൾ വീണ്ടും വീണ്ടും തികട്ടി വരുന്നു.. ആലോചനകൾ അധികരിച്ചപ്പോൾ ഞാൻ ഒന്ന് തല കുടഞ്ഞു..ഒരു ടവൽ എടുത്ത് ബാത്റൂമിലേക്ക് നടന്നു..

ബാത്‌റൂമിൽ നിന്ന് ഇറങ്ങി വന്നപ്പോൾ ആണ് ജാനെറ്റ് ഡോർ തുറന്ന് അകത്തേക്ക് വന്നത്..

“ഡാ റെഡി ആവ് നമ്മുക്ക് ഒന്ന് പുറത്തു പോകാം..”

“ഞാൻ ഇല്ല ജാൻ.. വയ്യ..”

ഞാൻ ഒരു താല്പര്യം ഇല്ലാതെ പറഞ്ഞു..

“ടാ ചുമ്മ ഇവിടെ ഇരുന്ന് ഓരോന്ന് ആലോചിച്ചു മനസ് വിഷമിപ്പിക്കേണ്ട.. എല്ലാം വരുന്നടത്ത് വച്ചു കാണടാ.. ഞങ്ങൾ ഇല്ലേ.!!”

അവൾ എന്റെ തോളിൽ തട്ടി പറഞ്ഞു..ശേഷം കപോർഡിൽ നിന്നും ഒരു ടീ ഷർട്ടും ട്രാക് പാന്റും എടുത്ത് എന്റെ നേരെ വലിച്ചെറിഞ്ഞു..