അപരാജിതൻ 25[Harshan] 10154

“ജീപ്പുണ്ടല്ലോ ,,, ഡീസലടിക്കാൻ കാശുമുണ്ട് ,,,പിന്നെന്താ കുഴപ്പം,”

‘എന്താ നീ പറയണെ ,,,പത്തഞ്ഞൂറു കിലോമീറ്ററില്ലേ ,, അത് വേണ്ടപ്പൂ ,,”

“ഏയ് ,,, ഞാൻ ഇറങ്ങാ,,നേരെ ഗ്രാമത്തിൽ ചെന്ന് ഉടുപ്പ് മാറി വരേണ്ട താമസം ,, അത്രേയുള്ളൂ ,, അനുവാദം ചോദിക്കാനൊന്നും ആരുമില്ലല്ലോ ,,ഞാൻ അവിടെ വന്നിരിക്കും ,,എനിക്ക് അഡ്രസ് ഒന്ന് മെസ്സേജ് ചെയ്തേക്കണേ ,,മാമാ ,,, ”

“ആരോടാ ഈ പറയുന്നത് ,, ഒരു കാര്യം തീരുമാനിച്ചാൽ അത് നേടിയെടുക്കുന്ന സ്വഭാവമല്ലേ ,ആ  ലക്ഷ്മിയുടെ  മകനല്ലേ ,,, അവളുടെ ആ സ്വഭാവത്തെ അപ്പാടെ നിനക്കു കിട്ടിയിട്ടുണ്ട് ,, ”

അത് കേട്ട് ആദി ചിരിച്ചു

അന്നേരം ജഗന്നാഥ നാരായണ ക്ഷേത്രത്തിലെ പൂജകള്‍ ചെയ്യുന്ന മണിശബ്ദമൊക്കെ മുഴങ്ങി തുടങ്ങിയിരുന്നു.

അവന്‍ പിന്തിരിഞ്ഞു ജഗന്നാഥനെ ഒരുവട്ടം കൂടെ വണങ്ങി.

“ശരി മാമാ ,,അപ്പോ എല്ലാം പറഞ്ഞപോലെ ,,,” അവന്‍ ഫോണ്‍ വെച്ചു നേരെ ജീപ്പില്‍ കയറി

ഗ്രാമത്തിൽ ചെന്നവൻ വേഗം ഒന്ന് കുളിച്ചു റെഡിയായി ബാഗൊക്കെ പാക്ക് ചെയ്തു ബാഗും കൊണ്ട് പുറത്തേക്കിറങ്ങി വാതിലുമടച്ചു കവാടത്തിലേക്ക് ചെന്നു.

അവിടെ കട തുറന്നതിന്‍റെ  സന്തോഷം തിണ്ണയിൽ ഇരുന്നു പങ്കു വെക്കുകയായിരുന്നു

മുത്തശ്ശന്മാരും മറ്റുള്ളവരും

ബാഗും കൊണ്ട് അവൻ വരുന്നത് കണ്ടു അവരെല്ലാം എഴുന്നേറ്റു

ശങ്കരനും ശംഭുവും ശൈലജയും ഉമാദത്തൻ മാമനും കസ്തൂരിയും അങ്ങനെ എല്ലാവരും അവിടെയുണ്ട് .

എല്ലാവര്‍ക്കും ആശങ്കയായി

“എന്താ ,,കുഞ്ഞേ ,,എവിടെ പോകാ നീ ,,,,” സ്വാമി മുത്തശ്ശൻ ചോദിച്ചു

അവനൊന്നു ചിരിച്ചു ഒപ്പം എല്ലാവരെയും നോക്കി

“എന്‍റെ  കാര്യങ്ങളൊക്കെ കഴിഞ്ഞു ,,,ഞാൻ തിരികെ പോകാ ,, മുത്തശ്ശാ ,,, ”

എല്ലാവരും അവൻ പറയുന്നത് കേട്ട് സ്തബ്ദരായി

“അല്ല ,,മോനെ ,,മൂന്നു മാസം ഉണ്ടാകുമെന്ന് പറഞ്ഞിട്ട് …” വ്യാകുലമായ മനസോടെ സ്വാമി മുത്തശ്ശൻ ചോദിച്ചു

അവൻ മറ്റുള്ളവരെ ഒന്ന് നോക്കി

കസ്തൂരിയുടെ കണ്ണുകൾ നിറയുകയായിരുന്നു

ശംഭുവിന്‍റെ യും ശങ്കരന്‍റെ യും കണ്ണൊക്കെ ചുവന്ന് മുഖമൊക്കെ വിളറിയിരുന്നു

ഉമാദത്തൻ മാമൻ ആകെ വിഷമത്തിൽ

വൈദ്യർ മുത്തശ്ശന്‍റെ  കണ്ണുകളും നനവാർന്നതായിരുന്നു

ശൈലജ അവിശ്വസനീയതയോടെ നിൽക്കുകയായിരുന്നു

“എന്താ ,അനിയാ ,,ഇത്ര പെട്ടെന്ന് ,,?കസ്തൂരി ചോദിച്ചു

“അപ്പുവേട്ടൻ എന്തിനാ വേഗം പോണേ …?” ശങ്കരനും ചോദിച്ചു

“നേരമായി ,,പോകാൻ ,,അതോണ്ടാ ,, എന്തായാലും ഇത്രയും നാള് എന്നെയും നിങ്ങടെ കൂട്ടത്തിലൊരാളായി കണ്ടില്ലേ ,,, അതിനു ഒരുപാട് നന്ദി ,, സമയം വൈകാണ് ,,എല്ലാരോടും യാത്ര പറയാൻ നിൽക്കണില്ല ,,,ദാ വീടിന്‍റെ  താക്കോൽ ” അവൻ കൈയിലെ താക്കോൽ സ്വാമി മുത്തശ്ശന്‍റെ  നേരെ നീട്ടി