അപരാജിതൻ 25[Harshan] 10154

മനസ്സിൽ ഒരു ചക്രവർത്തി എന്ന ഭാവം,,

വല്ലാത്തൊരു ധൈര്യം ,,,

അവൻ വേഗമെഴുന്നേറ്റു

അവന്‍റെ  മുഖത്ത് ഒരു വീരോദാത്തഭാവം നിറഞ്ഞു.

അതുപോലെ അഭിമാനം നിറഞ്ഞ ഒരു പുഞ്ചിരിയും ,,,,

അവൻ മണ്ണിൽ സാഷ്ടംഗം കിടന്നു ശാംഭവിയെ നമസ്കരിച്ചു കൊണ്ട് എഴുന്നേറ്റു

ചുടല ഒരുപാട് സന്തോഷത്തോടെ അവന്‍റെ  ചുമലിൽ കൈ വെച്ച് കൊണ്ട് അവനെ അഭിമാനത്തോടെ നോക്കി

“രാജന്ക്ക്  രാജൻ,    അരസനുക്ക് അരസ൯ , മന്നന്ക്ക് മന്നൻ “

“രുദ്രതേജ നയനാര്‍”

“വാഴ്ക വാഴ്ക വാഴ്ക”

 എന്ന് ഉറക്കെ ഉറക്കെ അലറി വിളിച്ചു കൊണ്ട് ചുടല ആദിയെ കെട്ടിപിടിച്ചു

“അതേടാ,,,ചക്രവർത്തി തന്നെ ,,, ഈ മണ്ണിന്‍റെ  ചക്രവർത്തി ,,, “

ആദി ചുടലയെ മുറുകെ പിടിച്ചു

“വാ ..ശങ്കരാ ,,,,,, ” ചുടല അവനെ മറ്റുള്ളവരുടെ മുന്നിലേക്ക് കൊണ്ട് വന്നു

അവൻ അങ്ങനെ നിൽക്കുമ്പോൾ ചുടലയടക്കം എല്ലാവരും അവന്‍റെ  കാലിൽ വീണു നമസ്കരിച്ചു

“അയ്യോ ,,എന്താ ഇത് ” എന്നുപറഞ്ഞു കൊണ്ട് അവൻ പിൻവലിഞ്ഞു

അവർ എഴുന്നേറ്റു , അവർക്കൊപ്പം എഴുന്നേറ്റ ചുടല അവനോടു പറഞ്ഞു

“ഇത് നിനക്ക് മാത്രമല്ല ,, നിന്‍റെ  വംശത്തിന് ,,നീയെന്ന ചക്രവർത്തിക്ക് ”

“എങ്കിൽ പറ ചുടലേ ,,,,,, ആരാ നയനാർ ,,, അതാണോ എന്‍റെ  മുത്തശ്ശന്‍റെ  വംശം ?” ആകാംഷയോടെ ആദി ചോദിച്ചു

“അതെ ,,,ശങ്കരാ ,,,പക്ഷെ എല്ലാം നീയറിയും ,, അതിനു നേരമായി വരുന്നു ,, നീ എന്തൊക്കെ അറിയാനാഗ്രഹിക്കുന്നുവോ ,,അതെല്ലാം, ,,,ഭൂതനാഥൻ ആഗ്രഹിക്കുന്ന സമയത്ത് നീയറിയും ,, അതിനായി നീ തേടണ്ട ,,,,,,,”

ആദി തല കുലുക്കി

എല്ലാവരെയും തൊഴുതു

“ചെല്ല് ,,,,ശിവശൈലത്തേക്ക് ചെല്ല് ,,,,,,അവിടെ ഒരു ചക്രവർത്തിയുടെ ആവശ്യമുണ്ട് ,,,ചെല്ല് ശങ്കരാ ,,,,”

എന്നുപറഞ്ഞു കൊണ്ട് ചുടല അവനെ മെല്ലെ തള്ളി

അവൻ ചിരിച്ചു കൊണ്ട് എല്ലാവരെയും നോക്കി

എന്നിട്ടു ഒരു ചക്രവർത്തിയുടെ ആവേശത്തോടെ ശിവശൈലത്തേക്ക് നടന്നു

മനസില്‍ അതിലേറെ ആനന്ദവും

അച്ഛന്‍ വൈഷ്ണവ ബ്രാഹ്മണരായ ഭാര്‍ഗ്ഗവ വംശത്തിലെ

അമ്മ പാതി ശിവഭക്തരായ ശിവാംശി ഗോത്രത്തിലെയും  മറുപാതി നയനാര്‍ വംശത്തിലെയും

ആദിശങ്കര രുദ്രതേജ നയനാര്‍

<<<<O>>>>