അപരാജിതൻ 25[Harshan] 10154

“മറ്റൊന്ന് കൂടെയുണ്ട് ,,,,,,,” അവൻ പറഞ്ഞു നിർത്തി

“എന്താ ,,അറിവഴകാ ,,,,?” സ്വാമി മുത്തശ്ശൻ ചോദിച്ചു

“വൈശാലി മാത്രമാണ് ഇവിടെ നിന്നും നമുക്ക് അടുത്തുള്ള സ്ഥലം , നമ്മൾ അവിടെ കടയിൽ സാധനങ്ങൾ വാങ്ങിക്കാൻ ചെന്നാൽ കൂടുതൽ വില അവർ സാധനങ്ങൾക്കിടും അതുപോലെ നമ്മളെ മനഃപൂർവം കാത്തു നിർത്തും ,, അങ്ങനെയല്ലേ ,,ഇതുവരെ ,,,”

“അതെ ,,,അതെ ,,,” ഗ്രാമവാസികൾ മറുപടി പറഞ്ഞു

“എന്നാ ,,,ഇനി മുതൽ നമ്മൾ ,,ഒരു കാര്യത്തിനും അവിടത്തെ കടകളെ ആശ്രയിക്കില്ല ,,”

“പിന്നെ ,,,പിന്നെ എന്ത് ചെയ്യും ” ഉമാദത്തൻ ചോദിച്ചു

“നമ്മൾ ഒരു കൊച്ചു സൂപ്പർമാർക്കറ്റ് ,,,ഈ ഗ്രാമത്തിൽ തുടങ്ങും ,, ”

“ഇവിടെ പലചരക്കു കടയോ ,,,,,,” എല്ലാവരും വിശ്വസിക്കാനാകാതെ ചോദിച്ചു

“എന്താ അറിവഴകാ ,, ഈ പറയുന്നത് ,,,,,,?” സ്വാമി മുത്തശ്ശൻ ചോദിച്ചു

“അതെ ,,,, റേഷൻ കടയിൽ നിന്നും കിട്ടാത്ത എന്തും ,, പലവ്യഞ്ജനങ്ങൾ , സോപ്പ് , പൗഡർ , പേസ്റ്റ് , ബ്രഷ് , അങ്ങനെ ഈ ഗ്രാമത്തിലെ ഓരോ വീട്ടിലും എന്തൊക്കെ വേണോ ,,അതെല്ലാം കിട്ടുന്ന ഒരു കൊച്ചു സൂപ്പർ മാർക്കറ്റ് ഈ ശിവശൈലത്ത് നമ്മൾ ആരംഭിക്കും ,,ഞാൻ ഉദ്ദേശിക്കുന്നത് നമുക് വേണ്ടത് എല്ലാം ഇവിടെ തന്നെ കിട്ടണം ,, അതിനായി ഇവിടെ ഒരു ആൾത്താമസമില്ലാത്ത വീട് റെഡിയാക്കണം ,, അതാണ് നമ്മുടെ സൂപ്പർ മാർക്കറ്റ് ,, നമുക് പട്ടണത്തിൽ നിന്നും മൊത്ത കച്ചവടക്കാരിൽ നിന്നും സാധനങ്ങൾ എടുക്കാം ,, ഇവിടെ കൊണ്ട് വന്നു കഴിഞ്ഞിട്ട് ന്യായമായ ലാഭം കൂടെ ചേർത്തു ഇവിടെ നമുക് വിൽക്കാം , അതിനുള്ള തുക ഇപ്പോൾ ഇവിടെയുള്ള പൊതുഫണ്ടിൽ നിന്നുമെടുക്കാം ,, ലാഭം ആ ഫണ്ടിലേക്ക് തന്നെ പോകും ,, നമ്മൾ നമ്മുടെ ഫണ്ട് ഉപയോഗിച്ച് നടത്തുന്നത് കൊണ്ട് കൊള്ളലാഭമുണ്ടാക്കേണ്ട കാര്യമില്ല , പുറമെ നിന്നും വാങ്ങിക്കുന്നതിനേക്കാൾ വില കുറച്ചു നമുക്ക് സാധനങ്ങൾ വിപണനം നടത്താം ,, കൂടാതെ ഇവിടെ ജോലിക്ക് പോകാൻ സാധിക്കാത്ത പ്രായമായവർ , അസുഖങ്ങളുള്ളവർ അങ്ങനെയുള്ളവർക്ക് സൗജന്യമായും സാധനങ്ങൾ നൽകാം , “”

“അറിവഴകാ ,,നമ്മൾ അവിടത്തെ കച്ചവടക്കാരിൽ നിന്നും വാങ്ങാതെയിരുന്നാൽ അവർക്കു ലാഭം പോകില്ലേ ? ” സ്വാമി മുത്തശ്ശൻ ചോദിച്ചു

“പോകും ,,,പോകണം ,,,ഇനി ഒരുത്തനും നമ്മളെ അങ്ങനെ ഊറ്റി കൊള്ളലാഭം ഉണ്ടാക്കണ്ട … ”

“ഇതെന്താ നമുക്കാർക്കും ഈ ബുദ്ധി നേരത്തെ തോന്നാഞ്ഞത് ” ഉമാദത്തൻ ചോദിച്ചു

“അതെ ,,അറിവഴകൻ അറിവുള്ളവനാ ,,അവനെ ഇതൊക്കേ തോന്നുള്ളൂ , ” വൈദ്യർ മുത്തശ്ശൻ മറുപടി പറഞ്ഞു

“അതെയതേ ,,,, ‘ എല്ലാരും ഒരുമിച്ചു പറഞ്ഞു

“അപ്പൊ ,, അറിവഴകാ ,,നീ തന്നെ പറ ,,, ഞങ്ങൾ ഇപ്പോൾ എന്താ ചെയ്യേണ്ടത് ,, ” ഉമാദത്തൻ ആവേശത്തോടെ ചോദിച്ചു