അപരാജിതൻ 25[Harshan] 10154

“ഇന്ന് വേലയ്ക്ക് പോകുന്നവർ വേലയ്ക്ക് പോകുക ,, കൊട്ടാരത്തിൽ അടിമവേലയ്ക്ക് പോകുന്നവർ ക്രമമനുസരിച്ചുകൊണ്ട് അവിടെയും പോകുക ,, പച്ചക്കറി വിൽക്കാൻ പോകുന്നവർ ,,ഇന്ന് ഗ്രാമത്തിനുള്ളിൽ നിങ്ങൾ ചർച്ച നടത്തുന്ന ആ ആൽമരച്ചുവട്ടിൽ ഇരുന്നു കച്ചവടം നടത്തുക ,, അതുപോലെ ,, ആൾ താമസമില്ലാത്ത ഒരു വീട് അടിച്ചു തുടയ്ക്കുക ,, ഇന്ന് തന്നെ നമുക്കു വില്പനയ്ക്ക് വേണ്ട അത്യാവശ്യം സാധനമെടുക്കാം ,, ഒരു ഇരുപതിനായിരം രൂപക്കുള്ള പല ചരക്ക് സാധനങ്ങൾ ,, ”

“അതിനു നമുക് പട്ടണത്തിൽ പോകണ്ടേ ,, അറിവഴകാ ,,”സ്വാമി മുത്തശ്ശന്‍ ചോദിച്ചു

“വേണ്ടാ മുത്തശ്ശാ ,, ഇവിടത്തെ പല കടകളും വാങ്ങിക്കുന്നതിലും കുറഞ്ഞ വിലയ്ക്ക് സാധനം തരാനുള്ള മൊത്തവ്യാപരികളെയും എനിക്ക് പരിചയമുണ്ട് ,, ഞാൻ ഒരു ഫോൺ അങ്ങ് വിളിക്കും ,,, ഇവിടെ സാധനമെത്തും ,,,” എന്ത് പറയുന്നു

“ആ ,,ഇനി ഒന്നും പറയാനില്ല ,, നീ അതങ്ങു ചെയ്യ് അറിവഴകാ ,,, ” ഉമാദത്തൻ മാമൻ ആവേശത്തോടെ പറഞ്ഞു

“ശൈലജെ ,,,മോളെ കണ്ടോ ,,നീ നമ്മുടെ അറിവഴകന്‍റെ  ഒരു ഒരു ,,,,എന്താ പറയാ ,, ആ ,,, വൈ …അതന്നെ വൈഭവം ,,എന്താ അവന്‍റെ  ഒരു ശുഷ്‌കാന്തി ” ഒരുപാട് സന്തോഷത്തോടെ ഉമാദത്തൻ പറഞ്ഞു

“തീർന്നില്ല ,,,,” ആദി പറഞ്ഞു നിർത്തി

എല്ലാരും എന്താന്നെന്ന് അറിയാനായി അവനെ നോക്കി

“നമുക്ക് ഒരു തുണിക്കടയും ഇവിടെ ശരിയാക്കണം ,, നമുക് വേണ്ട തുണികളും നമുക് മൊത്തവ്യാപാരത്തിൽ നിന്നും എടുക്കാം ,, ഈ ഗ്രാമത്തിൽ എല്ലാ സാധനങ്ങളും വേണം ,, ഒന്നിനും ഒരു മുട്ടും വരരുത് ,,, ”

“ഞാൻ പറഞ്ഞത് ,,എന്താണെന്നു എല്ലാവര്‍ക്കും മനസിലായല്ലോ ,,,അപ്പോ ,,എല്ലാവരും അവരവരുടെ കാര്യങ്ങളിലേക്ക് പൊയ്ക്കോളൂ .,,, ഞാൻ പാൽ കൊണ്ട് കൊടുത്തു വരാം ,, പോകും വഴി ഞാൻ പലചരക്ക് സാധനങ്ങളും റെഡിയാക്കാം ,,ഇന്ന് തന്നെ നമുക് ശിവശൈലം സൂപ്പർ മാർക്കറ്റ് തുടങ്ങണം ,,,”

അവൻ എല്ലാവരെയും നോക്കി കൈകൾ കൂപ്പി

ആളുകൾ തിരിച്ചും

അപ്പോളേക്കും ബാലവർ അണ്ണൻ ചന്തയിൽ കൊടുക്കാനുള്ള പാലടക്കം മൂന്ന് വലിയ അലുമിനിയം  പാൽ  ക്യനുകള്‍ ജീപ്പിൽ വെച്ച്  കൊടുത്തു

അവൻ  ബാലവര്‍ അണ്ണനെയും കൂട്ടി നേരെ പാൽ സൊസൈറ്റിയിലേക്ക് തിരിച്ചു.

അവൻ പോകുന്നത് കണ്ടു വൈദ്യർ മുത്തശ്ശനും സ്വാമി മുത്തശ്ശനും ഉമാദത്തൻ മാമനും കസ്തൂരിയും ശൈലജയും  ഒരുമിച്ചു നിന്നു .