അപരാജിതൻ 25[Harshan] 10154

“അതെന്താ ,,അങ്ങനെ ചോദിച്ചത് ,,?”

“അല്ല ,,,പലപ്പോഴു൦ തോന്നിയിട്ടുണ്ട് ,, അത് കൊണ്ട് ചോദിച്ചതാ “

ആദിയൊന്നു ചിരിച്ചു

“സഖാവാണോ എന്ന് ചോദിച്ചാൽ ,,  “  സ്റ്റിയറിങ്ങില്‍ കൈ പിടിച്ച് നേരെ നോക്കി കൊണ്ട് തന്നെ ആദിപറഞ്ഞു.

“എന്‍റെ  ശിവശൈലത്തെയാളുകൾ നേരിടുന്ന ചൂഷണങ്ങൾ ,,അത് ഇല്ലാതെയാക്കാൻ  ഞാൻ ആഗ്രഹിക്കുമ്പോൾ, അതിനായി ഞാൻ ശ്രമിക്കുമ്പോൾ ,,,,,എന്നെ ഒരു സഖാവെന്നു വിളിക്കാൻ തോന്നുന്നുവെങ്കിൽ ,,,,,,ഞാൻ തടയില്ല ,,ധൈര്യമായി വിളിച്ചോ ,,, സഖാവെന്ന് സഖാവിനൊരർത്ഥമുണ്ട്  കൂട്ടുകാരനെന്ന്

ഒരുകാലത്ത് ദേശീയതയുടെയും സമരവീര്യത്തിന്‍റെയും അടയാളമായിരുന്നുഖാദി , നാണവും മാനവും ഉളുപ്പുമില്ലാതെ രാഷ്ട്രീയക്കാർ ധരിച്ചതിനെ അഴിമതിയുടെ അടയാളമാക്കിയ പോലെ ,,, ഇന്ന് സഖാവ് എന്നതിന്‍റെ  അർഥം പോലുമറിയാത്ത ചിലയാളുകൾ എന്തു തന്തയില്ലായ്മകളും ചെയ്യാനുള്ള ലൈസന്സ് ആക്കി മാറ്റിയ പോലെയുള്ള സഖാവല്ല”,,,

“”””എന്‍റെ  പ്രിയപ്പെട്ടവർ  ചൂഷണം ചെയ്യപ്പെടുന്നുണ്ടെങ്കിൽ ,,,അവരുടെ ജീവിതം മുന്നോട്ടു കൊണ്ടുപോകാൻ പോലും വഴിമുട്ടപ്പെടുമ്പോൾ,,,അവർക്കു നീതി നിഷേധിക്കപ്പെടുമ്പോൾ,,അതിനു കാരണമായവർ ആരോ ,,അവരെ ഈ ഞാൻ തന്നെ  ഉന്മൂലനം ചെയ്യും ,,,ചെയ്തിരിക്കും ,,ചെയ്തുകൊണ്ടേയിരിക്കും ,,,

അങ്ങനെയുള്ള ഞാന്‍ ഒരു സഖാവാണ് ,,ശിവശൈലത്തെ ഓരോ സാധുവിനും  ഞാനൊരു സഖാവാണ്.അവരുടെ സങ്കടങ്ങളെ ഉന്മൂലനം ചെയ്യുന്ന സഖാവ്.

ഉന്മൂലനം അത് സംഹാരമാണ്,,,സംഹാരം ശൈവമാർഗ്ഗവും\

അപ്പോള്‍ ഞാന്‍ ,,,

ശൈവമാര്‍ഗ്ഗിയായ ചണ്ഡാലനായ സഖാവ് ,”””””

ആദി ചിരിച്ചുകൊണ്ടു വണ്ടിയുടെ സ്‌പീഡ്‌ കൂട്ടി

“അപ്പപ്പാ ,,,ഈ സിനിമാറ്റിക് ഡയലോഗ് ഒക്കെ എവിടെ നിന്നും വരുന്നു കുട്ടീ,,,,,

അറിഞില്ല ,,  ഞാനറിഞ്ഞില്ല ,,, ആരും പറഞ്ഞില്ല ,,, എന്നോടിതാരും പറഞ്ഞില്ല ,,,,,,” ഡോക്ടർ ഗോപികൃഷ്ണൻ ആദിയുടെ ചുമലിൽ തട്ടിക്കൊണ്ടു പറഞ്ഞു

“ഈ ധൈര്യ൦ ,,,ശ്രീ വരദരാജ മുതലിയാറിൽ മാത്രമേ കണ്ടിട്ടുള്ളൂ ,,, ” ഗോപി ചിരിയോടെ പറഞ്ഞു

‘അതാരാ കക്ഷി ,,ഈ വരദരാജ മുതലിയാർ .. അണ്ണന്‍റെ   മാമനാരാണോ ?” ആദി ചോദിച്ചു

“ഏയി .,,,, ആളെയത്ര  പരിചയമില്ലാന്നു തോന്നണു ,,, മുംബൈയിലെ വെല്യ ഒരു  ഡോണായിരുന്നു ,,,ഡോണ്‍ ”

“ഓ ,,,അങ്ങനെ ,,,എന്നെ ആക്കിയതാണല്ലേ ?”

“അങ്ങനെ തോന്നിയോ ….”

“ചെറുതായി ,,,, ”

“അത് തോന്നല്‍ മാത്രം “

“അറിവഴകാ ,,നിനക്ക് ചിലപ്പോൾ തമാശയായി തോന്നും , എങ്കിലും ഞാൻ പറയാണ് , ഇതുപോലെ ലക്ഷ്യബോധവും ആർജ്ജവവുമില്ലാത്ത രാഷ്ട്രീയക്കാർ തന്നെയാണ് നമ്മുടെയൊക്കെ നാടിൻറെ ശാപം, നിനക്കതൊക്കെയുണ്ട് , നീ ശരിക്കും രാഷ്ട്രീയത്തിൽ തന്നെ ഇറങ്ങണം , അത് ഇവിടെയുള്ള ഒരു പാർട്ടിയുടെയും കീഴിലല്ല , സ്വന്തമായി ഒരു പാർട്ടിയുണ്ടാക്കി , ഇതുപോലെയുള്ള നേതാക്കന്മാർ നമ്മുടെയൊക്കെ നാട് ഭരിച്ചിരുന്നെങ്കിൽ എവിടെ എത്തിപ്പെട്ടേനെ ,,,”

ആദി അതുകേട്ടു പൊട്ടിചിരിച്ചു.

“നമുക്ക് ആലോചിക്കാം ,, ഇത്തിരി സമയം തരണം ”

എന്നുപറഞ്ഞുകൊണ്ടു ആദി ജീപ്പ് മുന്നോട്ടേക്കെടുത്തു

അങ്ങനെ വർത്തമാനമൊക്കെ പറഞ്ഞു ആദി ഡോക്ടർ ഗോപി കൃഷ്ണനെ കൊണ്ട് ചെന്നാക്കി തിരികെ ശിവശൈലത്തേക്ക് തിരിച്ചു

<<<<<O>>>>>