അപരാജിതൻ 25[Harshan] 10176

ആദി തിരികെ വരും വഴി

വൈശാലിയിലെ  ജഗന്നാഥ ക്ഷേത്രത്തിന്‍റെ  മുന്നിലെത്തിയപ്പോള്‍ അവനവിടെ കയറി ദര്‍ശന൦  നടത്തണമെന്നൊരു മോഹമുദിച്ചതിനാൽ അവൻ ജീപ്പ് നിർത്തി.

പിന്നെയാകാം എന്ന് മനസ്സിൽ അവൻ ജീപ്പ് മുന്നോട്ടേക്ക് എടുത്തു, കഷ്ടിച്ചൊരു നൂറു മീറ്റർ പോയപ്പോൾ ക്ഷേത്രദർശനം നടത്തിയേ തീരൂ , എന്ന് മനസ് വാശിപിടിക്കുന്ന പോലെ.

അവൻ ജീപ്പ് വളച്ചു തിരികെ ജഗന്നാഥനാരായണ ക്ഷേത്രപരിസരത്തു വന്നു.

ജീപ്പിൽ നിന്നും പുറത്തേക്കിറങ്ങി പാദുകങ്ങൾ പുറത്തു സൂക്ഷിച്ചു കൊണ്ട് അവിടെയുള്ള പൈപ്പിൽ കൈകാൽ മുഖം കഴുകി ക്ഷേത്രത്തിനുള്ളിൽ പ്രവേശിച്ചു.

നല്ലപോലെ ദർശനം നടത്തി തൊഴുത് നമസ്കരിച്ചുകൊണ്ട് പുറത്തേക്കിറങ്ങി.

ക്ഷേത്രപടികൾ കവച്ചു പുറത്തേക്ക് കാലു വെച്ചതുംഅവന്‍റെ  ഫോണില്‍ ഒരു ഒരു കോള്‍ വന്നു.

ആനന്ദ് മഹാദേവൻ എന്ന അവന്‍റെ  നന്ദു മാമന്‍റെ കോള്‍

ഏറെ സന്തോഷത്തോടെ അവനാ കോൾ അറ്റൻഡ് ചെയ്തു

“നന്ദുമാമ ……” ഒരുപാട് ആഹ്ലാദത്തോടെ അവൻ വിളിച്ചു

“എവിടെയാടാ തെമ്മാടി ?”

“ഞാൻ ,,,ഇത്തിരി അകലെയാ ,,നന്ദുമാമാ ,,,എന്‍റെ  അമ്മയുടെ നാട്ടിൽ ,,ശിവശൈലത്ത് ”

“ഹും ,,. എല്ലാം ,,ഞാനറിയുന്നുണ്ട് ,, ”

“അതെങ്ങനെ ,,, ?”

“ഭദ്രമ്മയെ ഞാനെന്നും വിളിക്കുന്നുണ്ട് ,, വിളിക്കുമ്പോൾ എന്നും നിന്‍റെ  കാര്യം ചോദിക്കുന്നുമുണ്ട് ”

“എന്നിട്ടാണോ എന്നെ വിളിക്കാത്തത് ?”

“ആരാ പറഞ്ഞെ ,,നിന്നെ വിളിക്കുന്നില്ല എന്ന് ,,വിളിച്ചാൽ കിട്ടണ്ടേ ,, നീ താമസിക്കുന്ന ഇടം എന്തോ കുറ്റികാടോ മറ്റോ അല്ലെ ,,,റേഞ്ച് ഇല്ലാലോ ,,”

“അത് ശരിയാ ,,,നന്ദുമാമ ,,,,”

“അപ്പു ,, ഞാനിപ്പോൾ വിജയവാഡയിലുണ്ട് ,,വിത്ത് മൈ ഫാമിലി ,, പെട്ടെന്നുള്ള ഒരു വരവായിരുന്നു , മൂന്നാല് ദിവസം കഴിഞ്ഞാല്‍ ഞങ്ങൾ  തിരിക്കും  ,,,”

‘എന്താ ,,മാമാ ,,എന്നോട് ഇതൊന്നു  നേരത്തെ പറയാഞ്ഞത് ,, അറിഞ്ഞിരുന്നെങ്കിൽ ഞാൻ കാണാൻ വരുമായിരുന്നല്ലോ , അല്ല എന്നിട്ട് ഭദ്രമ്മയെ കാണുന്നില്ലേ ,, ”

“മോനെ ,,ഞാൻ പറഞ്ഞില്ലേ ,, പെട്ടെന്നുള്ള ഒരു വരവായിരുന്നു .. ”

“എനിക്ക് എല്ലാവരെയും ഒന്ന് കാണണമെന്നുണ്ട് ,,നന്ദുമാമാ ,,”

“മോനെ എനിക്കുമുണ്ടടാ ,,നിന്നെ കാണാൻ ഒരുപാടാഗ്രഹ൦  ,,,പക്ഷെ ,,,,,”

“ശരി ,, എന്ന ഞാൻ അങ്ങോട്ടേക്ക് വരട്ടെ ,,,”

“എങ്ങനെ ,,,?”