അപരാജിതൻ 25[Harshan] 10176

ജ്വാലാമുഖി ക്ഷേത്രം, ഹിമാചൽ പ്രദേശ്

ഹിമാചല്‍ പ്രദേശിലെ കാങ്ഗ്രാ ജില്ലയിലെ ധര്‍മ്മസ്ഥലിലെ   51 ശക്തിപീഢങ്ങളില്‍പെടുന്ന ജ്വാലാമുഖി ക്ഷേത്രം . ഏറ്റവും തേജസുള്ള ഒൻപത്  ശക്തിപീഠങ്ങളില്‍ ഉള്‍പ്പെട്ട ജ്വാലാമുഖി, പരാശക്തിയുടെ മാനുഷരൂപമായിരുന്ന സതിയുടെ നാവ് പതിച്ചയിടമെന്നാണ്  സങ്കല്‍പ്പം.

സമുദ്രനിരപ്പിൽ നിന്നും 2000 അടി ഉയരത്തിൽ സ്ഥിതി ചെയ്യുന്ന  ധൗലാധർ പർവ്വത പ്രദേശത്തു നിലകൊള്ളുന്ന  ജ്വാലാമുഖി ക്ഷേത്രത്തിൽ ദേവി സ്വരുപമായി കണ്ട്  ആരാധിക്കുന്നത് പാറയിൽ നിന്നും പ്രകൃതിദത്തമായി എരിഞ്ഞുകത്തുന്ന ദിവ്യമായ നീല കലര്‍ന്ന അഗ്നിജ്വാലയെയാണ്.

നൂറ്റാണ്ടുകള്‍ക്ക് മുന്പ് പശുപരിപാലനം കൊണ്ട് ഉപജീവനം നടത്തിയിരുന്ന ഒരു ഗോപാലകന്‍ ആ പ്രദേശത്ത് പശുക്കളെ മേയ്ക്കാന്‍ കൊണ്ട് പോകുമായിരുന്നു. അതില്‍ നല്ല കറവയുള്ള ഒരു പശുവിന് മാത്രം മേഞ്ഞു കഴിഞ്ഞു വരുമ്പോള്‍ പാല്‍ തീരെ ഇല്ലാതെ ആകും. അത് അന്വേഷിച്ചു പോയ അയാൾ കണ്ടത് ആ പശു ഒരു പാറയുടെ സമീപം പോയി നിൽക്കുന്നു , അന്നേരം ഒരു പ്രകാശജ്വാല പ്രത്യക്ഷമായി അതൊരു ബാലികയായി രൂപം മാറി ആ പശുവിന്‍റെ  അകിടിൽ നിന്നും പാല് കുടിച്ചതിനു ശേഷം പ്രകാശജ്വാലയിൽ അപ്രത്യക്ഷമാകുന്നതായിരുന്നു. അന്ന് അവിടെ ഭരിച്ചിരുന്ന രാജാവിന് സമക്ഷം പോയി ഗോപാലകൻ ഇക്കാര്യം ഉണർത്തിച്ചപ്പോൾ ശക്തിപീഠങ്ങളെ കുറിച്ച് അറിവുണ്ടായിരുന്ന രാജാവ് ഉടനടി സ്വയം ആ പ്രദേശത്തു പോയി പരിശോധിക്കുകയും ആ ബാലികയെ കണ്ടയിടത്ത് ആളിക്കത്തുന്ന ദിവ്യജ്യോതിയെ കാണുകയും ചെയ്തു .ഭക്തനായിരുന്ന ആ രാജാവ് ഉടനടി അവിടെ ഒരു ക്ഷേത്രം പണികഴിപ്പിക്കുകയും  ശക്തിസ്വരൂപമായ ജ്വാലയ്ക്ക് വേണ്ടുംവിധമുള്ള പൂജകൾ ചെയ്യുവാനുള്ള പൂജാരികളെ നിയമിക്കുകയും ചെയ്തു.

##### ####