അപരാജിതൻ 25[Harshan] 10176

“വൈദ്യരെ ,,,”

“എന്താ സ്വാമി ,,,,?”

“ഈ കുട്ടിക്ക് ,,,എന്തോ ഒരു വിശേഷപ്പെട്ട കഴിവുണ്ട് ,,”

“അതെനിക്കും തോന്നിയിട്ടുണ്ട് ,,,സ്വാമി ”

“ബുദ്ധിമുട്ടുകൾ മനസ്സിലാക്കി പരിഹാരം നിർദേശിക്കുകയും അത് നടപ്പിലാക്കുകയും ചെയുന്ന  ഗുണം ,, അതുപോലെ തന്നെ എന്ത് പ്രശനം വന്നാലും സമചിത്തതയോടെ എല്ലാത്തിനും ചുക്കാൻ പിടിച്ചു കൊണ്ട് അത്  പരിഹരിക്കുകയും ചെയ്യുന്നു ,,അതുപോലെ തന്നെ മനുഷ്യത്വം , നേതൃപാടവം ,,എന്നാൽ ധൈര്യവും ,, എന്തും നേരിടാനുളള ഒരു മനസും ,, ഇന്ന് തന്നെ അവന്‍റെ  സംസാരത്തിലും പെരുമാറ്റത്തിലും ഒക്കെയുള്ള ഒരു നിയന്ത്രണ ശൈലി ,, ശരിയ്ക്കും ഒരു അരചന്‍റെ  ഗുണങ്ങൾ തന്നെയാണ് ,, ” സ്വാമി മുത്തശ്ശൻ പറഞ്ഞു

“അതെ ,,, അവൻ വന്നതിനു ശേഷമാണ് ഈ ശിവശൈലം പോലും പാടെ മാറിയത് ,, നമ്മൾ മാറിയത് ,, ആ വ്യത്യാസം ഈ ഗ്രാമത്തിലെ ഓരോ കാര്യങ്ങൾക്കുമുണ്ട് ” വൈദ്യരും പറഞ്ഞു

“എന്നാലും എനിക്ക് പേടിയുണ്ട് ,, ഇതൊക്കെ എങ്ങനെ അവസാനിക്കുമോ എന്ന് കരുതി ,, നമ്മളെ നശിപ്പിക്കാൻ ആഗ്രഹിക്കുന്ന പലരുമുണ്ട് ” സ്വാമി മുത്തശ്ശൻ പറഞ്ഞു

“എനിക്ക് പക്ഷെ ശങ്കരനെന്ന സത്യത്തെ വിശ്വാസമുണ്ട് ,,മുത്തശ്ശാ ,,,, ” കസ്തൂരി പറഞ്ഞു

“എന്‍റെ  അനിയൻ ,, പറഞ്ഞത് തന്നെയാ എന്‍റെ  മനസിലും ,,, നമ്മുടേ ഗ്രാമത്തിനു൦ ശിവംശികളായ നമ്മൾക്കും ഒരേയൊരു ചക്രവർത്തിയെ ഉള്ളൂ ,,,അത് സാക്ഷാൽ ശങ്കരനാ ,,, ഒന്നുകിൽ നേരിട്ട് വരും ,,അല്ലെങ്കിൽ അതിനു  തക്കയാളുകളെ അയക്കും ,, സംരക്ഷണത്തിന് ,,, ” ഉള്ളിൽ നിറഞ്ഞ ഭക്തിയോടെ കൈകൾ  കൂപ്പി കസ്തുരി പറഞ്ഞു

” ഈ ശിവശൈലം സാക്ഷാൽ ശങ്കരന്‍റെ  മൂന്നാം കണ്ണിന്‍റെ  മുന്നിൽ പരിപാലിക്കപെടുന്നയിടമാണ്  ,,

അതിനെ ആര് വന്നു തകർക്കാൻ നോക്കിയാലും ശങ്കരൻ മൂന്നാം കണ്ണ് തുറന്നു ഭസ്മമാക്കും ,,,,

എന്‍റെ  മകളാണ് എന്‍റെ  സത്യം ,,,  ”

കസ്തൂരി ഭക്തിപൂര്‍വം പറയുന്നത് കേട്ട്

എല്ലാവരും കൈകൾ കൂപ്പി

“ശങ്കരാ ,,,,,,,നീയേ തുണ ” എന്ന് ആകാശത്തു നോക്കി പ്രാർത്ഥിച്ചു കൊണ്ട് എല്ലാവരും തിരികെ നടന്നു .

<<<<<O>>>>>