അപരാജിതൻ 25[Harshan] 10182

രാവിലെ മൂന്നു  മണിക്ക്

ശിവശൈലത്തില്‍

വാതിലിൽ മുട്ട് കേട്ടാണ് ആദി വാതിൽ തുറന്നത്.

നോക്കുമ്പോൾ ചുടല , ഒരു പന്തവും  പിടിച്ചു കൊണ്ട് വന്നു നിൽക്കുന്നു

കണ്ണ് തടവി “എന്താ ചുടലേ ” ആദി ചോദിച്ചു.

“ശങ്കരാ ,,ഇങ്കെ വാങ്കോ ,,,,,,,” എന്ന് പറഞ്ഞു കൊണ്ട് ചുടല ആദിയെ വലിച്ചു കൊണ്ട് നടന്നു.

“എടാ ,,നീയെങ്ങോട്ടാ കൊണ്ടുപോണെ …” ആദി തിരക്കി

“വാ മൂടി എൻ കൂടെ വാ ,,,,,,,സിവനേ ” എന്ന് പറഞ്ഞു കൊണ്ട് വലിച്ചു കൊണ്ട് നടന്നു

അരമണിക്കൂർ നടന്നപ്പോൾ അവർ ശാംഭവിയുടെ കരയിലെത്തി

അവിടെ ഭ്രാന്തനും കാളിചരണും ലോപമുദ്രയും അവരെ കാത്തു നിൽക്കുകയായിരുന്നു

അവൻ ആകാംഷയോടെ എല്ലാവരെയും  നോക്കി

ചുടല ആദിയെ അവിടെ മണ്ണ് കൊണ്ട്ണ്ടാക്കിയ പീഠത്തിൽ ഇരുത്തി

എന്നിട്ടു അവനു മുന്നിൽ പന്തം കുത്തി നിർത്തി

“എന്താ ചുടലേ ,,,,,,,?” അവൻ ചോദിച്ചു

“ശൂ ,,,,,,,,,,,” ചുടല വിരൽ ചുണ്ടിലമർത്തി വിലക്കി

“ശങ്കരാ ,,,,,,ഇനി ,,,നിന്‍റെ  കാലം ,,,,,,,നീ ശിവശൈലത്തുക്ക് അരസ൯ … നീയാണ് ശിവശൈലത്തെ  അടിമകളുടെ രാജാവ് ,,,,,,,” ചുടല അടുത്ത് കണ്ട ഒരു കുടം എടുത്തു ശാംഭവിയിലേക്ക് ഇറങ്ങി വെള്ളം എടുത്തു കൊണ്ട് വന്നു

“ഇന്ന് നിന്‍റെ  കിരീടാരോഹണം ,,,,,അത് ചെയുന്ന ആചാര്യൻ ഈ ചണ്ടാളനും ” എന്ന് പറഞ്ഞു കൊണ്ട്

ചുടല ശാംഭവി നദിക്ക് നേരെ തിരിഞ്ഞു കൈകൾ കൂപ്പി ഉറക്കെ പറഞ്ഞു

“അമ്മെ ,,,,,,,പരാശക്തി ,,,,,,

ഇവ൯

വീര൯  ത്രിലോക രുദ്ര നയനാരുടെയും ശിവാംശി അചലയുടെയും   കൊച്ചുമകൻ,,,

തിരുമകള്‍ ഗൗരിലക്ഷ്മി നയനാരുടെയും   ശ്രീനിവാസ നാരായണ ഭാർഗ്ഗവരുടെയും മകൻ,,,

ആദിശങ്കര നാരായണൻ എന്ന

രുദ്രതേജ നയനാര്‍ ,,,,,,,,

ശിവശൈലമണ്ണിന്‍റെ യും മക്കളുടെയും

നാഥനായി കാവലാളായി

രാജരാജനായി

മഹാദേവന്‍റെ  ഇച്ഛയാൽ

പരാശക്തിയെ മുൻനിർത്തി

അധമൻ ചണ്ഡാളൻ ചുടല

ചൊല്ലി വിളിക്കുന്നു,,,,

ഇവൻ

ഇനി മേല്‍

ശിവശൈലത്തിനു ചക്രവർത്തി

നേര്‍ സാക്ഷികൾ ആകാശം , വായു , ജലം , അഗ്നി , മണ്ണ്

ചുടല കുടത്തിലെ വെള്ളം ആദിയുടെ തലവഴി ഒഴിച്ചു.

ശാംഭവി തീർത്ഥം കൊണ്ട് ആദിശങ്കരനെ അഭിഷേകം ചെയ്തു

അന്നേരം അവനിൽ അവർണ്ണനീയമായ ഒരു ഊർജ്ജം നിറയുന്ന പോലെയനുഭവപ്പെട്ടു .