അപരാജിതൻ 25[Harshan] 10176

ജിനവജ്രസഗാതാനന കുഴഞ്ഞു നിലത്തേക്ക് വീണു

ആ യുവാവ് പോക്കറ്റില്‍ നിന്നും ഒരു ലോഹ പേടകം എടുത്ത് ആ ഭിക്ഷുവിനെ കാണിച്ചു.

(ആദ്യ രണ്ടു ലോഹപേടകങ്ങളോട് സദൃശമായത്)

അത് ആ ഭിക്ഷുവിന്‍റെ  മുറിയില്‍ നിന്നും ആ യുവാവ് അല്പം മുന്പ് മോഷ്ടിച്ചതായിരുന്നു.

അദ്ദേഹത്തിന്‍റെ  ശരീരം ജെന്നി ബാധിക്കപ്പെട്ട പോലെ വിറച്ചു കൊണ്ടിരുന്നു.

പ്രാണവേദനയോടെ അദ്ദേഹം കഴുത്തിൽ മുറുകെ പിടിച്ചു.

ശ്വാസം എടുക്കാൻ സാധിക്കുന്നുണ്ടായിരുന്നില്ല.

അതെ സമയം ശരീരനിയന്ത്രണം നഷ്ടമാകയാൽ മലമൂത്രവിസർജ്ജനവും ചെയ്യുകയുണ്ടായി.

മരണത്തിലേക്ക്  പോയിക്കൊണ്ടിരുന്ന  ആ ബുദ്ധഭിക്ഷുവിനെ നോക്കി ആ അജ്ഞാതൻ  ജപിച്ച്കൊണ്ടിരുന്നു.

ഒം ദാരാദാരാ ദിരിദിരി ദുരുദുരു

ഇത്തെ വേ ഇത്തെ ചലെചലെ

പുരചലേ പുരചലെ

കുസൂമേ കുസൂമ വ രെ

ഇലി മിലി ചിതി ജ്വലം അപനായ സോഹാ

ശ്വാസം കിട്ടാതെ പിടഞ്ഞു കൊണ്ടിരിക്കുമ്പോൾ ചുമയോടെ അദ്ദേഹം ഭക്ഷണശകലങ്ങൾ ശർദിച്ചു കൊണ്ട് ഒരു പിടയലോടെ ആ നിലത്ത് ചലനമറ്റു കിടന്നു

ആ അജ്ഞാതൻ വേഗം തന്നെ ആ വിഷ സൂചികള്‍  ജിനവജ്രസഗാതാനന ഭിക്ഷുവിന്‍റെ   കഴുത്തിൽ നിന്നും ഊരിയെടുത്ത് ബ്ലോ ഗണ്ണിലേക്ക് വെച്ച് അത് ഉറയിലാക്കി മുഖം മറച്ചു കൊണ്ട് അതിവേഗം ഓടി മൂന്നാൾ പൊക്കത്തിലുള്ള മതിൽ ചാടി കടന്നു.

<<<<<O>>>>>

അന്നേ ദിവസം രാത്രി പന്ത്രണ്ടു മണിക്ക് ബുദ്ധവിശ്വാസം ഭൂരിപക്ഷമായ ഭൂട്ടാൻ , കംബോഡിയ , തായ്‌ലൻഡ് എന്നീ രാജ്യങ്ങളിലെ പരമോന്നത ബുദ്ധ ധർമ്മ ആചാര്യന്മാരായ മൂന്ന് വൃദ്ധരായ ബുദ്ധഭിക്ഷുക്കൾ -യേഷേ വാങ്ചുക് ,ഇയാം ശ്രീ. ജിനവജ്രസഗാതാനന എന്നിവർ അജ്ഞാതരാൽ നിഷ്ടൂരമായി കൊല ചെയ്യപ്പെട്ടു.ആ മൂവരും അമൂല്യമായി സൂക്ഷിച്ചു വെച്ചിരുന്ന സദൃശങ്ങളായ  ലോഹപേടകങ്ങളും അജ്ഞാതരായ അവര്‍ കൈക്കലാക്കിയിരുന്നു.

<<<<<O>>>>>